قىزىلوردا قالاسىنىڭ تۇرعىندارى د.بولات پەن ق. اياحمەتوۆ ءۇي-جايدى جالعا الىپ, وعان «Fruit Loto», «Lucky Lady Charm», «Crazy Monkey», «Lucky Haunter» ينتەرنەت-كازينو باعدارلامالارى بار كومپيۋتەرلەر ورناتقان.
انىقتالعانداي, قۇمار ويىنشىلار كومپيۋتەرلەر ارقىلى ءباس تىگۋ مەن ۇتىستاردى الۋدى ىسكە اسىرعان. ق.اياحمەتوۆكە 200 اەك كولەمىندە ايىپپۇل سالىندى, ال د.بولات 1 جىلعا باس بوستاندىعى شەكتەۋ جازاسىنا تارتىلدى.
«لۋدومانيا الكوگول مەن ەسىرتكىگە تاۋەلدىلىكپەن قاتار اۋرۋلاردىڭ دۇنيەجۇزىلىك كلاسسيفيكاتسياسىنا ەنگىزىلگەن. ينتەرنەت-يندۋستريانىڭ دامۋىمەن جانە كازينو مەن بۋكمەكەرلىك كەڭسەلەردىڭ تارالۋىمەن ويىنعا تاۋەلدىلىك جاھاندىق الەۋمەتتىك پروبلەماعا اينالدى. قارجىلىق مونيتورينگ اگەنتتىگى «ويىن بيزنەسى تۋرالى» زاڭدا بەلگىلەنگەن ورىنداردان تىس زاڭسىز قۇمار ويىنداردى ۇيىمداستىرعانى ءۇشىن قىلمىستىق جاۋاپكەرشىلىك قاراستىرىلعانىن ەسكە سالادى», دەلىنگەن قر قارجىلىق مونيتورينگ اگەنتتىگىنڭ ءباسپاسوز قىزمەتى تاراتقان اقپاراتتا.
