اقتاۋ قالاسىنىڭ اكىمى نۇرداۋلەت قيلىبايدىڭ ايتۋىنشا, تۇندە وبلىس اكىمى وقيعا ورنىندا بولىپ, قۇقىق قورعاۋ جانە مەملەكەتتىك ورگانداردىڭ باسشىلارىمەن جەدەل كەڭەس وتكىزگەن.
ء«بىزدىڭ تاراپىمىزدان بارلىق تەحنيكا جۇمىلدىرىلدى. قازىر تجد ماماندارى كينولوگتارمەن بىرگە جۇمىس ىستەپ جاتىر. اسحانا يەسى كەشكى ساعات 20:00 شاماسىندا اسحانانى جاۋىپ, ىشىندە ادام بولماعانىن ايتتى. ساعات 00:00-گە دەيىن دەنساۋلىق ساقتاۋ سالاسىنا ەشكىم حابارلاسپادى», دەدى اقتاۋ قالاسىنىڭ اكىمى نۇرداۋلەت قيلىباي.
مangystaumedia.kz سايتىندا جارىلىس بولعان كەزدە جاقىن جەردە 11 كولىك بولعانى جازىلعان. جارىلىستان بارلىق كولىككە زيان كەلگەن. جول پوليتسياسىنىڭ قىزمەتكەرلەرى ارنايى تەحنيكانىڭ كومەگىمەن ءۇش كولىكتى ەۆاكۋاتسيالادى. ودان ءارى ەۆاكۋاتسيالاناتىن سەگىز كولىكتىڭ يەسى انىقتالىپ جاتىر.
