اكەسىنىڭ بيزنەسى ءۇشىن بالاسىن ۇرلادى

الماتى قالاسىندا اكەسىنىڭ بيزنەسى ءۇشىن بالاسىن ۇرلاعان 4 كۇدىكتى قولعا ءتۇستى. بۇل تۋرالى «قازاقستان» تەلەارناسى حابارلادى. كۇدىكتىلەر ۇرلاپ كەتكەن بالا بوستاندىق اۋدانىنا قاراستى الماگۇل شاعىن اۋدانىندا تۇرادى ەكەن. بالانى تاڭەرتەڭ تاكسي توقتاتىپ تۇرعان جەرىنەن الداپ, الىپ كەتەدى. تەرگەۋ بارىسىندا ايىپكەرلەر كاسىپكەردىڭ شاعىن بيزنەسى ءۇشىن بالاسىن ۇرلاعانىن مويىندادى. ولار ءجاسوسپىرىمدى جالدامالى پاتەردە ۇستاپ, ونى بوستاندىققا شىعارۋ ءۇشىن اتا-اناسىنان 150 مىڭ دوللار تالاپ ەتكەن. سول بويدا اتا-انا پوليتسيا بولىمىنە شاعىم تۇسىرەدى. «ۇيىمداسقان قىلمىسقا قارسى كۇرەس باسقارماسىنىڭ «ارلان» ارنايى جاساعى قىزمەتكەرلەرى ەكى كۇدىكتىنى قىلمىس جاسالعان كۇنى قولعا ءتۇسىردى. ال ولارمەن بىرگە بولعان ەكى كۇدىكتى دە ىزىنشە ۇستالدى», - دەيدى الماتى قالالىق ىشكى ىستەر دەپارتامەنتىنىڭ ءباسپاسوز حاتشىسى سالتانات ازىربەك. كۇدىكتىلەردىڭ بارلىعى  ەش جەردە جۇمىس ىستەمەيدى جانە بۇرىن سوتتالماعان. قىلمىستىق ءىس قوزعالىپ, تەرگەۋ امالدارى جۇرگىزىلۋدە. ءامىرحان الماعانبەتوۆ. دەرەككوز: «قازاقستان» تەلەارناسى. فوتو: «قازاقستان» تەلەارناسى.