رەسمي دەرەككوزدىڭ مالىمەتىنشە, پرەمەر-مينيستر زارداپ شەككەن جوق. يراك اسكەريلەرى پرەمەردىڭ باعداتتاعى «جاسىل ايماقتاعى» رەزيدەنتسياسىنا پيلوتسىز درون ارقىلى قاستاندىق جاسالعانىن جەتكىزدى.
ال-كاديميدىڭ رەسمي Twitter-اككاۋنتىندا ونىڭ امان-ساۋ ەكەنى جازىلعان. «اللاعا شۇكىر, امان-ساۋمىن. بارلىعىن يراك ءۇشىن سابىرلىق پەن تىنىشتىققا شاقىرامىن», دەلىنگەن پوستينگتە.
شافاك يراك اگەنتتىگىنىڭ حابارلاۋىنشا, قاستاندىق كەزىندە پرەمەردىڭ ءۇش كۇزەتشىسى زارداپ شەككەن. قاتاڭ كۇزەتىلەتىن باعداتتىڭ «جاسىل ايماعىندا» ۇكىمەتتىك مەكەمەلەر مەن شەتەلدىك ەلشىلىكتەر ورنالاسقان.
«جاسىل ايماقتا» تۇراتىن ديپلوماتتار رەيتەر اگەنتتىگىنە جارىلىس پەن وق اتىلعان داۋىستى ەستىگەنىن ايتقان.
