قر سىرتقى ىستەر مينيسترلىگىنەن ءمالىم ەتكەندەي, پرەزيدەنت سارايىندا وتكەن سالتاناتتى ءراسىم بارىسىندا ەلشى ن.اناستاسياديسكە پرەزيدەنت قاسىم-جومارت توقاەۆتىڭ ىزگى تىلەگىن جەتكىزدى جانە قازاقستان تاۋەلسىزدىگىنىڭ 30 جىلدىعىن اتاي وتىرىپ, ەلىمىزدە جۇرگىزىلىپ جاتقان الەۋمەتتىك-ەكونوميكالىق جانە ساياسي رەفورمالار تۋرالى حاباردار ەتتى.
«COVID-19 پاندەمياسىمەن كۇرەستە ەكى ەلدىڭ ىنتىماقتاستىعى مەن ءوزارا تابىستى ءىس-قيمىلىن اتاپ وتە وتىرىپ, س.بۇرشاقوۆ پرەزيدەنتكە كيپر ۇكىمەتى مەن كومپانيالارىنىڭ قازاقستانعا كورسەتكەن گۋمانيتارلىق جانە مەديتسينالىق كومەك ءۇشىن العىس ءبىلدىردى. پرەزيدەنت اناستاسياديس ەلدەرىمىز اراسىنداعى ەكىجاقتى قارىم-قاتىناستاردىڭ دەڭگەيىن جوعارى باعالاي وتىرىپ, قازاقستاننىڭ ەۋروپالىق وداقپەن ىنتىماقتاستىعىن دامىتۋعا قولعابىس كورسەتۋگە دايىندىعىن ءبىلدىردى جانە قازاقستان پرەزيدەنتىن كيپرعا ساپارمەن كەلۋگە شاقىردى», دەلىنگەن ۆەدومستۆو مالىمەتىندە.
