«فورۋم بارىسىندا ەۋروپالىق كوميسسيانىڭ توراعاسى ۋرسۋلا فون دەر ليايەن ورتالىق ازيانىڭ گۇلدەنۋى ەۋروپا ءۇشىن ماڭىزدى ەكەنىن اتاپ ءوتتى. ءبىرىنشى كەزەكتە ءوڭىر ەو ءۇشىن سەرىكتەس رەتىندە ماڭىزدى بولىپ تۇر. سونىمەن قاتار, ءبىزدىڭ ىنتىماقتاستىق ورتالىق ازيا مەن ەو اۋماعىندا بەيبىتشىلىك پەن تۇراقتىلىقتى ساقتاۋ تۇرعىسىندا باسىمدىققا يە. ەكىنشىدەن, ساۋدا سالاسىنا ەرەكشە ءمان بەرىلىپ وتىر. بۇل باعىتتا ەلەۋلى جەتىستىكتەر بار, ياعني وتە جاقسى نەگىز بار دەپ ايتۋعا بولادى. دەگەنمەن, ساۋدا قاتىناستارىن الداعى ۋاقىتتا دا نىعايتا ءتۇسۋ كەرەك دەپ سانايمىز», دەدى كەستۋتيس يانكاۋسكاس.
ونىڭ ايتۋىنشا, ەۋروپالىق كومپانيالار قازاقستانعا ينۆەستيتسيا سالۋعا قىزىعۋشىلىق تانىتىپ وتىر.
«بارلىق ەلدەرگە سوڭعى بۋىندى تەحنولوگيالار كەرەك. وسى باعىتتا ىنتىماقتاستىق ماڭىزدى دەپ بىلەمىز. بۇدان بولەك, ەو قورشاعان ورتانى قورعاۋ ماسەلەلەرىنە ەكپىن قويىپ وتىر. ءبىز كليماتتىڭ وزگەرۋى پروبلەمالارىن جالعىز ەڭسەرە المايتىنىمىز تۇسىنىكتى. سوندىقتان وسى سالادا ورتالىق ازيا ەلدەرىن وتە ماڭىزدى سەرىكتەس دەپ سانايمىز», دەدى ەو ەلشىسى.
بۇل تۇرعىدا ول قازاقستان پرەزيدەنتى قاسىم-جومارت توقاەۆ قورشاعان ورتانى قورعاۋ, كليماتتىڭ وزگەرۋى ماسەلەلەرىن شەشۋگە قاتىستى ايرىقشا ءمان بەرىپ وتىرعانىن اتاپ ءوتتى.
