«بۇگىنگى تاڭدا انتيكور مەملەكەت باسشىسىنىڭ تاسىرماسىنا سايكەس, لاۋازىمدى تۇلعالاردى جەكەلەپ قۇرىقتاۋدان, جەمقورلىق ارەكەتتىڭ تولىق سۇلباسىن اشۋ ادىسىنە كوشتى. بۇل جۇيەلى ءارى ءتيىمدى ءتاسىل. ارينە, سىبايلىس جەمقورلىق ارەكەتتىڭ بىرنەشە ءتۇرى بار. اتاپ ايتساق, تۇرمىستىق, كورپوراتيۆتىك نەمەسە جۇيەلى جەمقورلىق. سونىڭ ىشىندە ەڭ قاۋىپتىسى جۇيەلى پاراقورلىق. بۇل جاعدايدا انتيكور جەمقورلىقتىڭ وسى اتالعان تۇرىمەن كۇرەسۋدى قولعا الدى. مەنىڭ ويىمشا, بۇل ءبىزدىڭ ەلىمىز ءۇشىن ءتيىمدى بولماق», - دەدى داۋرەن اباەۆ «حابار» تەلەارناسىندا وتكەن «اشىق ديالوگ» 2.0 (وتكرىتىي ديالوگ 2.0) سۇحباتىندا پىكىرىمەن ءبولىسىپ.
ول سىبايلاس جەمقورلىققا قارسى ءىس-قيمىل اگەنتتىگى پاراقورلىقپەن كۇرەسۋدىڭ جاڭا ءادىسىن ۋاقىتىلى قولعا العانىن دا تىلىنە تيەك ەتتى. «قازىردىڭ وزىندە اۋىل شارۋاشىلىعى سالاسىندا «جەمقورلىق رەنتا» تۋرالى اڭگىمە ايتىلىپ جاتىر. مۇمكىن قازاقستاندىقتار ازىق-ت ۇلىك ساتىپ العان كەزدە تاۋار ءۇشىن عانا ەمەس شەنەۋنىكتەردىڭ قالتاسىن قامپيتۋ ءۇشىن تولەپ جاتقان شىعار. سونداي-اق, انتيكور باسقا سالالار بويىنشا دا جەمقورلىق ارەكەتتەردىڭ بەتىن اشۋ باعىتىندا جۇمىس ىستەپ جاتىر», - دەيدى ول.
