ىنتىماقتاستىق مەموراندۋممەن بەكىدى

ابۋ-دابيدە وتكەن كەزدەسۋلەر مەن كەلىسسوزدەردىڭ قورىتىندىسى بويىنشا قازاقستان پرەزيدەنتى جانىنداعى ورتالىق كوممۋنيكاتسيالار قىزمەتى مەن بىرىككەن اراب امىرلىكتەرىنىڭ ۇلتتىق مەديا كەڭەسى اراسىندا ءوزارا تۇسىنىستىك تۋرالى مەموراندۋمعا قول قويىلدى. بۇل قۇجاتتىڭ ماقساتى – اق­پا­راتتىق جۇمىستار بارىسىندا ۇزاقمەرزىمدىك جانە تۇراقتى نە­گىزدە ءوزارا مالىمەتتەر جانە ءتاجى­ريبەلەر الماسۋدى قامتاماسىز ەتۋ. قازاقستان مەن ءباا ارا­سىن­داعى دوستىق قارىم-قاتىناستىڭ نە­گىزىندە تاراپتار ەكى ەلدىڭ اقپا­راتتىق كەڭىستىگىندە جالپى ادام­زاتتىق, مەملەكەتتىك جانە پاتريوتتىق قۇندىلىقتاردى, ۇلت­تىق بىرلىكتى, رۋحاني-ادامگەرشىلىك قۇن­دىلىقتارعا دەگەن قۇرمەتتى, سالاماتتى ءومىر سالتتى, اشىقتىق پەن تولەرانتتىلىقتى قولداۋ ءجو­نىندەگى جان-جاقتى ءوزارا ءىس-شارالار مەن حالىقارالىق بايلانىستاردى نىعايتۋ جونىندەگى تۇبەگەيلى كەلىسىمگە قول جەتكىزىپ وتىر. ورتالىق كوممۋنيكاتسيالار قىزمەتى مەن ۇلتتىق مەديا كەڭەسى تاقىرىپتىق ءىس-شارالار, سەمينارلار مەن كۋرستار, بىرلەسكەن زەرتتەۋلەر ۇيىمداستىرادى جانە ەكى جاق تا مۇددەلى اقپاراتتىق باعدارلامالاردى جۇزەگە اسىرادى. ابۋ-دابيدەگى قازاقستان ەلشى­لىگىنىڭ قولداۋىمەن, قازاقستان تاراپىنان مەموراندۋمعا ورتالىق كوممۋنيكاتسيالار قىزمەتىنىڭ ديرەكتورى ەرجان باباقۇماروۆ, امىرلىك تاراپىنان – ءباا ۇلتتىق مەديا كەڭەسىنىڭ ديرەكتورى يب­راھيم ءال ابەد قول قويدى.