اتاپ ايتقاندا, ءبىر كۇندە سانكت-پەتەربۋرگتە – 75, ماسكەۋ وبلىسىندا – 52, كراسنودار ولكەسىندە – 45, نيجني نوۆگورود وبلىسىندا – 40, پەرم ايماعىندا 39 ءولىم تىركەلدى.
ەلدە جاعداي تۇراقتالعانىمەن, قالىپتاسقان احۋال ءالى دە كۇردەلى. ەڭ كوپ ۆيرۋس جۇقتىرعاندار ەل استاناسى ماسكەۋدە انىقتالعان.
وسىعان دەيىن رەسەي پرەزيدەنتى ۆلاديمير پۋتين كوروناۆيرۋسقا بايلانىستى ەلدە 30 قازاننان 7 قاراشاعا دەيىن جالاقىنى ساقتاي وتىرىپ, دەمالىس كۇندەرىن جاريالاعان. بۇل رەتتە وڭىرلەر قاجەت بولعان جاعدايدا 23 قازاننان باستاپ دەمالىس ەنگىزۋگە مۇمكىندىك الدى, سونداي-اق ونى 7 قاراشادان كەيىن دە ۇزارتا الادى. ماسكەۋ بيلىگى 28 قازاننان 7 قاراشاعا دەيىن قالادا جۇمىسسىز كۇندەردى ەنگىزۋ تۋرالى شەشىم قابىلدادى.
ال ۆاكتسينالاۋ ناۋقانى رەسەيدە قاڭتار ايىنان باستاپ ءجۇرىپ جاتىر. ەلدە كوروناۆيرۋسقا قارسى بەس ۆاكتسينا تىركەلگەن: رەسەي فەدەراتسياسىندا جانە الەمدە العاشقى COVID-19 ۆاكتسيناسى بولعان «سپۋتنيك V», سونداي-اق «سپۋتنيك لايت», «ەپيۆاككورونا», «ەپيۆاككورونا-ن» جانە «كوۆيۆاك».
سونداي-اق ءبىلىم سالاسىندا دا قاشىقتان وقۋعا رۇقسات بەرىلىپ وتىر. رەسەيلىك جوعارى وقۋ ورىندارى قاشىقتان وقىتۋ فورماتىن 8 قاراشادان كەيىن ۇزارتا الادى. بۇل شارا ادامدار اراسىنداعى بايلانىستى ازايتۋعا جانە كوروناۆيرۋستىق ينفەكتسيانىڭ تارالۋىن باسەڭدەتۋگە ارنالعان. سونىمەن بىرگە رەسەيدىڭ تاعى بىرنەشە ايماعى پاندەمياعا بايلانىستى ەنگىزىلگەن شەكتەۋ شارالارىن قاتايتۋ تۋرالى شەشىم قابىلدادى.
رەسەي فەدەراتسياسىندا جۇمىس ەمەس كۇندەر رەجىمىن 15 قاراشاعا دەيىن ۇزارتۋ تۋرالى ءبىرىنشى بولىپ نوۆگورود وبلىسىنىڭ بيلىگى مالىمدەگەن.
