3 قاراشا كۇنى ساعات 11:58-دە جەزقازعان قالاسىنىڭ ورتالىق اۋرۋحاناسى عيماراتىنان ءورت شىققانى تۋرالى حابارلاما كەلىپ ءتۇستى. شاقىرتۋ ورنىنا تجد-ءنىڭ 24 ادامى مەن 7 تەحنيكاسى جىبەرىلدى. 4-قاباتتاعى پالاتادا اۋدانى 10 ش.م. الاڭدى جالىن شارپىدى.
ء«ورت ورنىنان 1961 جىلى تۋعان ناۋقاستىڭ دەنەسى تابىلدى. قىلمىستىق ءىس قوزعالدى. بۇگىنگى تاڭدا اۋرۋحانا شتاتتىق رەجيمدە جۇمىس ىستەۋدە», دەپ حابارلادى قاراعاندى وبلىسى دەنساۋلىق ساقتاۋ باسقارماسىنىڭ ءباسپاسوز قىزمەتى.
«قاراعاندى وبلىسى تجد كۇشىمەن جەدەل قابىلدانعان شارالاردىڭ ارقاسىندا ءورت ساعات 12:21-دە ءسوندىرىلدى. ءورتتىڭ شىعۋ سەبەبى مەن ناۋقاستىڭ نەدەن قازا بولعانى انىقتالىپ جاتىر», دەدى وبلىستىق تجد ءباسپاسوز قىزمەتى.
قاراعاندى وبلىسىنىڭ دەنساۋلىق ساقتاۋ باسقارماسى قايتىس بولعان ناۋقاستىڭ تۋىستارى مەن جاقىندارىنا كوڭىل ايتادى.
