اۋدانى 1 گەكتاردى قۇرايتىن جىلىجاي جىلىنا 150-160 توننا كوكونىس بەرەدى دەپ جوسپارلانۋدا. ينۆەستيتسيالىق جوبانىڭ قۇنى – 400 ملن تەڭگە. جىلىجايدى «ەلەكتروسەريس» جشس سالىپ, قاجەتتى قوندىرعىلاردى «Serasan» فيرماسى ورناتتى. جوبا اياسىندا جاڭا جۇمىس ورىندارى اشىلىپ, اۋداننىڭ 20 تۇرعىنى تۇراقتى جۇمىسقا ورنالاستى.
– 22 قىركۇيەكتە پرەزيدەنت قاسىم-جومارت توقاەۆ ماڭعىستاۋ وبلىسىنا كەلگەن ساپارىندا ازىق-ت ۇلىك باعاسىنىڭ قىمباتتاۋىن توقتاتۋ ءۇشىن اۋىل شارۋاشىلىعى ونىمدەرىنە قولجەتىمدىلىكتى قامتاماسىز ەتۋدى تاپسىرعان بولاتىن. مەملەكەت باسشىسىنىڭ تاپسىرماسىنا سايكەس وبلىس اكىمى بىزگە بىرقاتار مىندەت جۇكتەدى. الداعى ۋاقىتتا جىلىجايداعى ءونىم كولەمىن ۇلعايتۋ جوسپارلانىپ وتىر. وسىلايشا, ماماندار جىلدىڭ ءتورت مەزگىلىندە وبلىس تۇرعىندارىن تولىقتاي قىزاناقپەن قامتىماق, – دەدى اۋدان اكىمى تىلەك كوشماعامبەتوۆ.
قىزاناق وندىرۋگە ارنالعان جىلىجاي ەل تاۋەلسىزدىگىنىڭ 30 جىلدىعىنا وراي اۋدان تۇرعىندارىنا بەرىلگەن ەرەكشە تارتۋ بولىپ وتىر.
