كورىنبەيتىن مايدان جاۋىنگەرلەرىنە قۇرمەت

بۇرناعى كۇنى الماتى قالاسىندا ۇلى وتان سوعىسىنداعى جەڭىستىڭ 65 جىلدىق مەرەكەسىن اتاپ وتۋگە ارنالعان ءىس-شارالار شەڭبەرىندە قازاقستان رەسپۋبليكاسى سىرتقى بارلاۋ قىز­مەتى جانە “قازاقستان رەسپۋبليكاسى سىرت­قى بارلاۋىنىڭ ارداگەر­لەرى” قوعامدىق ۇيىمى ۇيىمداستىرعان سالتاناتتى شارالار ءوتتى. قر “سىربار” سىرتقى بارلاۋ قىزمەتى­نىڭ ديرەكتورى گەنەرال-مايور ا.جانقۇليەۆ ۇلى وتان سوعىسىنا قاتىسۋشىلارعا, سوعىسقا قاتىسقانداردىڭ ارتىندا قالعان جەسىرلەرىنە جانە سوعىس جىلدارىنداعى تىل ەڭبەككەر­لەرىنە ارناپ قۇتتىقتاۋ ءسوز سويلەدى. “سىربار” قىز­مەتىنىڭ ۇجىمى اتىنان قوناقتارعا قۇت­تىقتاۋ حاتتارى جانە ەستەلىك سىيلىقتار تابىس ەتىلدى. ۇلى وتان سوعىسى مەن ەڭبەك مايدانى­نىڭ ارداگەرلەرى جانە “قازاقستان رەسپۋب­لي­كاسى سىرتقى بارلاۋىنىڭ ارداگەرلەرى” قوعامدىق ۇيىمىنىڭ اتىنان م.د.باراتوۆ, ج.ب.ءمار­دەنوۆ, م.ي.يسين, ب.ن.مەشەنباەۆ جانە ۆ.م.كريۆونوگوۆ سەكىلدى اعا ۇرپاق وكىلدەرى ءسوز سويلەدى. ولار ارداگەرلەردىڭ مۇڭ-مۇقتا­جىنا كوڭىل بولگەندەرى جانە قازاقستان حال­قى­نىڭ ەرلىك جولىن جاس ۇرپاقتىڭ جادىن­دا ساقتاۋداعى قامقورلىعى ءۇشىن پرەزيدەنت ن.ءا.نازارباەۆقا, ەل ۇكىمەتىنە شىن العىس­تارىن جانە ريزاشىلىقتارىن ءبىلدىردى. “ەگەمەن-اقپارات”.