سارسەنبى كۇنى دۇنيەجۇزىلىك دەنساۋلىق ساقتاۋ ۇيىمى ءمالىم ەتكەندەي, ينفەكتسيا جۇقتىرعاندار سانى جەتى كۇندە 3%, ال قايتىس بولعاندار سانى 8%-عا ارتتى.
«سوڭعى ءبىر اپتادا الەمدە كوروناۆيرۋس جۇقتىرعاندار سانى ونىڭ الدىنداعى اپتامەن سالىستىرعاندا ايتارلىقتاي ءوستى. بارلىعى 3 ملن استام جاعداي تىركەلدى», دەلىنگەن ددسۇ ەپيدەميولوگيالىق بيۋللەتەنىندە.
ىندەتتى جۇقتىرعانداردىڭ 60% ەۋروپا تۇرعىندارى. جەتى كۇندە ناۋقاستار سانى 6% ارتقان, امەريكادا – 3%, باتىس تىنىق مۇحيتى ەلدەرىندە 2% وسكەن. شىعىس جەرورتا تەڭىزىندە كۆي-ءدى جۇقتىرۋ ايتارلىق ازايعان (12%), وڭتۇستىك-شىعىس ازيادا (9%) جانە افريكادا (9%) دا تومەندەگەن. ىندەتتەن قايتىس بولعانداردىڭ ەڭ كوبى وڭتۇستىك-شىعىس ازيادا تىركەلدى (50%).
بيۋللەتەندە كەلتىرىلگەن مالىمەتتەرگە سايكەس, 25-31 قازان ارالىعىندا الەمدە 3 021 634 ادام كوروناۆيرۋس جۇقتىرعان جانە 50 477 ادام قايتىس بولعان. ءبىر اپتادا ەڭ كوپ اۋرۋ جۇقتىرعان ەلدەرگە اقش (528 455), ۇلىبريتانيا (285 028), رەسەي (272 147), تۇركيا (182 027) جانە ۋكراينا (152 897) كىرەدى.
