ءىس-شارا الەمدىك جانە ءداستۇرلى دىندەر ليدەرلەرى سەزىنىڭ يدەيالارىن حالىقارالىق دەڭگەيدە ناسيحاتتاۋ جانە قازىرگى قوعامداعى ءدىننىڭ ءرولى تۋرالى حالىقارالىق پىكىرتالاس وتكىزۋ ءۇشىن ۇيىمداستىرىلدى.
دوڭگەلەك ۇستەل وتىرىسىنا قر اقپارات جانە قوعامدىق دامۋ ۆيتسە-ءمينيسترى س.ەگىزباەۆ, قازاقستانداعى يران ەلشىلىگىنىڭ وكىلدەرى, سونداي-اق قمدب, نازارباەۆ ورتالىعىنىڭ, يراننىڭ مادەنيەت جانە يسلام بايلانىستارى ۇيىمىنىڭ باسشىلىعى قاتىستى.
سەرىك ەگىزباەۆ ەكى مەملەكەت اراسىنداعى ودان ءارى جەمىستى ىنتىماقتاستىق حالىقتارىمىز بەن ەلدەرىمىزدىڭ اراسىنداعى بەيبىتشىلىك پەن ءوزارا تۇسىنىستىكتى نىعايتۋعا ىقپال ەتەتىنىنە سەنىم ءبىلدىردى. ول ساياسي جانە ءدىني قايراتكەرلەردىڭ كۇش-جىگەرىن بىرىكتىرەتىن سەزدىڭ ماڭىزدىلىعىن اتاپ ءوتتى.
دوڭگەلەك ۇستەل بارىسىندا قاتىسۋشىلار قازاقستان مەن يراننىڭ سەزد جانە ونىڭ ينستيتۋتتارى يدەيالارىن ىلگەرىلەتۋدەگى كۇش-جىگەرى ءارتۇرلى مادەنيەتتەر مەن دىندەر اراسىندا سىندارلى ديالوگ ورناتۋ مەن دامىتۋدا وڭ ناتيجە بەرەتىنى تۋرالى پىكىر ءبىلدىردى.
ءىس-شارانى ن.نازارباەۆتىڭ كونفەسسياارالىق جانە وركەنيەتارالىق ديالوگتى دامىتۋ ورتالىعى جانە قازاقستان رەسپۋبليكاسىنىڭ يران يسلام رەسپۋبليكاسىنداعى ەلشىلىگى ۇيىمداستىردى.
