1991 جىلى دۇنيەگە كەلگەن. ءبىلىمى جوعارى. تاريح جانە قۇقىقتانۋ ماماندىقتارى بويىنشا ل.ن.گۋميلەۆ اتىنداعى ەۇۋ, قورقىت اتا اتىنداعى قمۋ تۇلەگى. ساياساتتانۋ بويىنشا الەۋمەتتىك عىلىمدار ماگيسترى.
ەڭبەك جولىن 2012 جىلى قر ءىىم «ساقشى» گازەتىندە ءتىلشى بولىپ باستاعان. 2013-2015 جج. اسكەري ستراتەگيالىق-زەرتتەۋلەر ورتالىعىندا پرەزيدەنت كومەكشىسى, جەتەكشى مامان, Nur Otan پارتياسى ەلوردالىق فيليالىنىڭ ءباسپاسوز حاتشىسى لاۋازىمدارىندا بولدى.
2016 جىلى «قازكونتەنت» اق وتكىزگەن رەسپۋبليكالىق كونكۋرس ناتيجەسىندە National Digital History of Kazakhstan جوباسىنىڭ جەتەكشىلىگىنە تاعايىندالعان. 2018 جىلعا دەيىن اتالمىش جوبانىڭ باس رەداكتورى, كەيىننەن «ادەبيەت پورتالىنىڭ» جەتەكشىلىگىن قوسا اتقارعان.
2019-2021 جىلدارى قر تۇڭعىش پرەزيدەنتى – ەلباسى كىتاپحاناسىنىڭ اعا ساراپشىسى, قاراعاندى وبلىسى اكىمدىگىنىڭ Saryarqa Aqparat مەديا حولدينگىنىڭ ديرەكتورى بولدى. مەملەكەتتىك قىزمەتتەگى جۇمىسىن قر سىرتقى ىستەر مينيسترلىگىنىڭ 3-ءشى حاتشىسى لاۋازىمىنان باستادى.
جۋرناليستيكا سالاسى بويىنشا مەملەكەتتىك «دارىن» جاستار جانە تۇڭعىش ۇلتتىق «ۇركەر» سىيلىعىنىڭ, Nur Sunqar – 2021 بايقاۋلارىنىڭ لاۋرەاتى. بولگاريا, رەسەي ەلدەرىندە تاجىريبەدەن وتكەن.
ءتۇرلى تاقىرىپتاعى عىلىمي جانە پۋبليتسيستيكالىق ەڭبەكتەرى بىرقاتار وتاندىق باسىلىمدار مەن وڭتۇستىك كورەيا, ۋكراينا, رەسەي ەلدەرىندە جاريالانعان. شەتەلدەگى ەتنيكالىق قازاقتاردى قولداۋ جونىندەگى 2018 - 2022 جىلدارعا ارنالعان ءىس-شارالار جوسپارىن بەكىتۋ تۋرالى ۇكىمەت قاۋلىسىنا ەنگەن «قيىرداعى قازاقتار» جوباسىنا جەتەكشىلىك ەتىپ, 8 ەلدى قامتىعان دەرەكتى فيلم تۇسىرۋگە ۇلەس قوستى.
«حابار 24» جانە «حابار» ارنالارىندا اۆتورلىق باعدارلاما جۇرگىزگەن. وتباسىلى.
