«جاستار اراسىنداعى كيكىلجىڭ پىشاقتاسۋعا ۇلاسقان. وقىس وقيعا اقبۇلاق ىقشام اۋدانىندا بولعان», دەيدى الماتى قالالىق پوليتسيا دەپارتامەنتىنىڭ ءباسپاسوز قىزمەتى.
قۇزىرلى ۆەدومستۆانىڭ مالىمەتىنشە, ءۇش جاس جىگىت كولىك ۇستىنە شىعىپ, سەكىرگەن.
كولىك قوجايىندارى ەسكەرتۋ جاساعاندا, ولار پىشاقپەن قورقىتىپ, توبەلەس شىعارعان.
«بۇزاقىلاردىڭ ءبىرىن پوليتسەيلەر ءىزىن سۋىتپاي ۇستادى. بۇرىن اۋىر قىلمىس جاساعانى ءۇشىن سوتتالعان 19 جاستاعى قىلمىسكەر ماس بولعان. ول ءوزىنىڭ قايدا ەكەنىن جانە نە ىستەپ جۇرگەنىن تۇسىنبەگەن. وقيعا ورنىن قاراۋ كەزىندە پوليتسەيلەر ءۇش پىشاقتى تاۋىپ, ءىس ماتەريالدارىنا تىركەدى», دەپ حابارلايدى الماتى قالالىق پد ءباسپاسوز قىزمەتى.
سونداي-اق تۋرا وسى كەزدە پاترۋلدىك بريگاداعا تاعى ءبىر ىقشام اۋداندا كولىكتەردىڭ ۇستىندە سەكىرىپ جۇرگەن بۇزاقىلار تۋرالى حابارلاما تۇسكەن.
«جاستاردىڭ بۇل ويىن ءتۇرىنىڭ جاي-جاپسارىن پوليتسيا قىزمەتكەرلەرى تەرگەۋ بارىسىندا جان-جاقتى ساراپتايتىن بولادى», دەيدى الماتى قالالىق پد ءباسپاسوز قىزمەتى.
