بارلىق ۇيلەر ەلەكتر ەنەرگياسىمەن, تابيعي گازبەن, اۋىز سۋمەن قامتاماسىز ەتىلگەن. زارداپ شەككەن نىسانداردى تەز جانە ساپالى قالپىنا كەلتىرۋ ءۇشىن قۇرىلىسشىلار ۇزدىكسىز جۇمىس ىستەدى. ۇيلەردى سالۋ كەزىندە بىرىڭعاي ساۋلەت ءستيلى ساقتالعان.
«توتەنشە جاعدايدىڭ سالدارىنان ءبىزدىڭ ءۇي قاتتى بۇزىلدى. جارىلىستان كەيىن كوپ ۇزاماي قۇرىلىسشىلار كەلىپ, قالپىنا كەلتىرۋ جۇمىستارىنا كىرىستى. ءتىپتى ساراي دا رەتكە كەلتىرىلدى. شىنىمدى ايتسام, قۋانىشتا شەك جوق. ەل باسشىلىعىنا, وبلىس باسشىلىعىنا قيىن ساتتەردە قولداۋ كورسەتكەنى ءۇشىن كومەكتەسكەن بارلىق جاناشىر قازاقستاندىقتارعا العىسىمىزدى بىلدىرەمىز», دەدى راۋشان مامىتبەكوۆا.
تۇرعىندار اتىنان ولجاس رايىمبەكوۆ پەن قوسبەك سەركەباەۆ تا العىستارىن ءبىلدىردى.
ء«بىزدىڭ اۋىلدا تۇبەگەيلى وزگەرىستەر بولدى. ەلەكتر جەلىلەرى جاڭارتىلدى, بارلىق كوشەلەردە جارىقتاندىرۋ جۇرگىزىلدى. قازىر بارلىق كوشەلەر اسفالتتالعان. ءبىر سوزبەن ايتقاندا, ءبىز بارىنە ريزامىز», دەدى ابدىعاپپار سۇيىندىك.
ءوڭىر باسشىسى باستى مىندەت - قاۋىپسىزدىكتى قامتاماسىز ەتۋ جانە حالىقتىڭ تۇرمىسىن جاقسارتۋ ەكەنىن اتاپ ءوتتى.
«مەملەكەت باسشىسىنىڭ تاپسىرمالارىنا سايكەس قالپىنا كەلتىرۋ جۇمىستارى دەرەۋ باستالىپ, ءبىر مينۋتقا دا توقتاعان جوق. كورىپ وتىرعانىمىزداي, اۋىل جاڭا كەلبەتكە يە بولدى. تۇرعىندار ءۇشىن بارلىق قاجەتتى جاعدايلار جاسالعان. حالىقتىڭ ءال-اۋقاتىن ارتتىرۋ - مەملەكەتتىڭ نەگىزگى مىندەتى. بىرلىگىمىزدىڭ, ەڭبەكسۇيگىشتىگىمىزدىڭ, ماقساتكەرلىگىمىزدىڭ ارقاسىندا ءبىز العا قويعان بارلىق ماقساتتارعا قول جەتكىزەمىز دەپ سەنەمىن», دەدى بەردىبەك ساپارباەۆ.
وبلىس اكىمى قالپىنا كەلتىرۋ جۇمىستارىمەن اينالىسقان مەردىگەر كومپانيالاردى العىس حاتتارمەن ماراپاتتادى.
بايزاق اۋدانى اكىمىنىڭ ورىنباسارى قايرات ءيسمايلدىڭ ايتۋىنشا, وبلىس اكىمىنىڭ تاپسىرماسىنا سايكەس وتباسىلارعا قاجەتتى الەۋمەتتىك قولداۋ كورسەتىلۋدە. ول حالىقتىڭ الەۋمەتتىك وسال توپتارىنا جاتاتىن قالا تۇرعىندارىن گازبەن قامتاماسىز ەتۋ جۇمىستارى جۇرگىزىلىپ جاتقانىن اتاپ ءوتتى. اۋىل حالقى 100% ورتالىقتاندىرىلعان سۋمەن قامتاماسىز ەتىلگەن.
الەۋمەتتىك كومەك رەتىندە ءاربىر وتباسى 300 مىڭ تەڭگەدەن الدى. سونداي-اق, كاسىپكەرلەر ءار وتباسىنا 200 مىڭ تەڭگەدەن ءبولدى. بۇدان باسقا, «سەنىم بايزاق» قورىنا تۇسكەن قاراجات ەسەبىنەن شارۋاشىلىق قۇرىلىستارى قالپىنا كەلتىرىلدى.
جۇمىس ساپارى بارىسىندا ءوڭىر باسشىسى جىبەك جولى اۋىلىنداعى 150 ورىندىق مەكتەپ قۇرىلىسىنىڭ بارىسىمەن تانىستى. مەردىگەر مەكەمە - «سىرىم بەلەكە» جشس.
قازىرگى ۋاقىتتا قۇرىلىس جۇمىستارىنىڭ 50%-ى اياقتالدى. نىساندى كەلەسى جىلدىڭ قاڭتار ايىندا تاپسىرۋ جوسپارلانۋدا.
وبلىس اكىمى بەردىبەك ساپارباەۆ قۇرىلىس جۇمىستارىن ساپالى ءارى مەرزىمىندە اياقتاۋدى تاپسىردى.
توتەنشە جاعداي سالدارىنان 176 نىسان زارداپ شەكتى, 168 نىسان تولىق قالپىنا كەلتىرىلدى. بۇگىنگى تاڭدا 12 بيزنەس نىساننىڭ 5-ءى جوندەلدى. 7 نىساندا قۇرىلىس جۇمىستارى قارقىندى ءجۇرىپ جاتىر.
