جاڭاشىلدىقتىڭ جاقسىلىعى مول

  كارىم كوكىرەكباەۆتىڭ وبلىس اكىمى بولىپ تاعايىن­دالعانىنا ەكى ايدىڭ عانا بەدەرى بولدى. بىراق ونى وب­لىس­تاعى سوڭعى جىلدارى ات­قارىلعان يگىلىكتى ىستەر­گە ەشقانداي قاتىسى جوق دەپ ەشكىم ايتا الماس. ءويت­كەنى, ءوزى باسقاراتىن سالانى ۇرشىقتاي ءيىرىپ, تاپ-تۇي­ناق­تاي ۇيىمداستىرا بىلەتىن ول بۇرىنعى اكىمنىڭ ءبىرىنشى ورىنباسارى رەتىندە كوپ­تەگەن ۇلكەن جوبالارعا تىكەلەي اتسالىستى. ەكونوميكانى, ادەتتە, ونەركاسىپتەن باستايتىنىمىز بەلگىلى. ەسەپتى مەرزىم ىشىندە, مىنە, سول ونەركاسىپ كاسىپورىندارى 237,8 ميلليارد تەڭگەنىڭ ءونىمىن ءوندىرىپتى. اسىرەسە, كەن ءوندىرۋ ونەركاسىبى مەن اشىق كەنىشتەردى يگەرۋدە ءوندىرىس كولەمدەرىنىڭ 15,4 پايىزعا (17,6 ميلليارد تەڭگە), وڭدەۋ ونەركاسىبىندە 7,3 پايىزعا (179,4 ميلليارد تەڭگە), ەلەكترمەن جابدىقتاۋ, گاز, بۋ بەرۋ جانە اۋانى باپتاۋدا 4,8 پايىزعا (37,7 ميلليارد تەڭگە) ءوسۋ ءۇردىسى بايقالعان. ال مۇناي ونىمدەرىن ءوندىرۋ 1,2 ەسەگە, وزگە دە مەتالل ەمەس مينەرالدى ونىمدەردى ءوندىرۋ 8,9 پايىزعا, رەزەڭكە جانە پلاستماسسا بۇيىمدارىن جاساۋ 1,2 ەسەگە, ماشينا جاساۋ – 8,2 پايىز, جيھاز جاساۋ – 1,7 ەسە وسكەن. وبلىسقا ينۆەستيتسيا تارتۋ دا تابىس­تى دەپ ايتۋعا بولادى. وتكەن جىلدىڭ قاڭتار-جەلتوقسان ايلارىندا نەگىزگى كاپيتالعا سالىنعان ينۆەستيتسيالاردىڭ جالپى كولەمى 248,5 ميلليارد تەڭگەنى قۇراپتى. بۇل بۇرناعى جىلدىڭ ءتيىستى كەزەڭى­مەن سالىستىرعاندا 55,7 پايىزعا ارتىق. ال يندۋستريالاندىرۋ كارتاسى شەڭ­بەرىندە وتكەن جىلى 20,9 ميلليارد تەڭگە سوماسىندا 8 ينۆەستيتسيالىق جوبا ىسكە اسىرىلعان. وندا 626 جۇمىس ورنى قۇرىلىپتى. يندۋستريالاندىرۋ كارتا­سىنا ەنگەن, بۇگىندە ىسكە قوسىلعان ينۆەس­تي­تسيالىق جوبالاردىڭ وندىرگەن ءونىم كولە­مى 43,0 ميلليارد تەڭگەنى قۇراعان. بۇل جال­پى ونەركاسىپ كولەمىنىڭ 18,1 پايىزىن قۇرايدى. قاڭتار-قاراشادا وبلىستىڭ سىرتقى ساۋدا اينالىمى 548,7 ميلليون اقش دوللارىن قۇراعان. بۇل وتكەن جىلدىڭ ءتيىستى كەزەڭىمەن سالىستىرعاندا ارتىق. كەدەن وداعى شەڭبەرىندە رەسەي مەن بەلارۋس ەلدەرىمەن ساۋدا اينالىمى 66,6 ميلليون اقش دوللارىنا جەتكەن. وبلىستىڭ ويى دا, قىرى دا مال با­عىپ, ەگىن ەگىپ, باقشا وسىرۋگە وتە قو­لاي­لى. ەندەشە ءوڭىر ەكونوميكاسىندا اگرو­ونەركاسىپ سالاسىنىڭ دا ورنى بولەك. سون­دىقتان بولار, وتكەن جىلى وسى سالاعا 5,8 ميل­ليارد تەڭگە ءبولىنىپ, ول تولىقتاي يگەرىل­گەن. سوعان وراي اۋىلشارۋاشىلىق ءونىم­دەرىنىڭ جالپى كولەمى وتكەن جىلى 122,9 ميل­ليارد تەڭگەنى قۇراعان. مال شارۋا­شىلىعى سالاسىندا دا, ەگىن شارۋا­شىلىعى سالاسىندا دا يننوۆاتسيالىق جاڭالىقتار كوپ. اكىمنىڭ ەلدى ريزا ەتكەن دەرەكتەرى مەن دايەكتەرىنىڭ ءبىرى «اۋليەاتا» اۋەجاي كە­شە­نىن قايتا جاڭعىرتۋ جوباسى بولدى. وتكەن جى­لى اۋەجايدىڭ ۇشىپ-قونۋ جولاعى 4,8 ميلليارد تەڭ­گە­گە قايتا جاڭعىرتىلدى. قازىر ول اۋە كەمەسىنىڭ بار­لىق تۇرلەرىن قابىلداۋعا دايىن. ال حالىقارالىق ستاندارتقا ساي جانە 300 جولاۋشىعا ارنالعان تەرمينال جاڭارتىلعان سوڭ, ياعني ۇستىمىزدەگى جىلدىڭ ءىى توقسانىندا پايدالانۋعا بەرۋ جوسپارلانىپ وتىر. جەرگىلىكتى بيلىك قازىر رەسەي, قىتاي, اراب جانە تۇركيا ەلدەرىنىڭ قالالارىنا ۇشاتىن اۋە باعىتتارىن اشۋعا جۇمىس جاساۋدا. وسى ورايدا كارىم ناسبەك ۇلى «ەجەلگى تاراز قالاشىعىن» يۋنەسكو-نىڭ بۇكىلالەمدىك مادەني مۇرا تىزبەسىنە ەنگىزۋ جونىندەگى ويى جۇزەگە اسسا, جاڭا اۋەجاي تۋريستەردىڭ قاق­پاسىنا اينالاتىنىن ايتا كەلىپ, قور­شاعان ورتا جانە سۋ رەسۋرستارى مي­نيسترى نۇرلان قاپپاروۆتىڭ ەكسپو-2017 حالىقارالىق كورمەسىنىڭ دي­رەكتورلار كەڭەسىنىڭ توراعاسى رەتىندە تاراز قالاسىن كورمە باعدارلاماسىنا ەنگىزۋگە ىقپال ەتۋىن سۇرادى. بۇل ءبىر عانا وبلىس باسشىسىنىڭ ەمەس, سونىمەن بىرگە وبلىستىڭ ءبىر جارىم ميلليون حالقىنىڭ تىلەگى ەكەنىن جەتكىزدى. «باتىس ەۋروپا – باتىس قىتاي» مەگاجوباسى دا جامبىلدىقتار ءۇشىن كۇرەجول عانا ەمەس, سونىمەن بىرگە قۇت-بەرەكە كوزىنە اينالعالى وتىر. وبلىستىڭ بىرنەشە اۋداندارى مەن كوپتەگەن ەلدى مەكەندەرىنىڭ ۇستىنەن ءوتىپ جاتقان جول بويىنا بيىلدان باستاپ وبلىس اكىمىنىڭ قولداۋىمەن قوناق ۇيلەر, اسحانالار, جانارماي قۇيۋ ستانسالارى مەن ءتۇرلى قىزمەت كورسەتۋ قۇرىلىمدارى سالىنا باستايدى. جۇرت بۇل جاڭالىققا دا ريزا بولدى. وبلىس اكىمىنىڭ ەكى ساعاتقا سوزىلعان ەسەبىنىڭ مازمۇنىن بايانداپ قايتالاپ شىعۋ مۇمكىن ەمەس. ءبىر بايقاعانىمىز, وبلىس باسشىسى وڭىردەگى ماسەلەلەردى بەس ساۋساعىنداي جاقسى بىلەتىنىن كورسەتتى. مىسالى, جالپاقتوبە اۋىلىنىڭ تۇرعىنى عالياسقار كەرىمقۇلوۆ دەگەن ازامات اۋىلىندا 500 ءبۇلدىرشىننىڭ بالاباقشا كەزە­گىندە تۇرعانىن ايتقان. كارىم ناسبەك ۇلى بۇل اۋىلدان بالاباقشا سالۋ تۋرالى جو­بانىڭ جاسالىپ جاتقانىن, ال كەزەكتە 500 ەمەس, 346 بالا تۇرعانىن سالا باسشىلارىنان سۇراماي ءوزى-اق ايتىپ بەردى. جاڭاشىل اكىم ءوڭىردى جاقسارتام دەپ كەلەدى. ەسەپ بارىسىندا كارىم ناسبەك ۇلى جامبىل وبلىسىنىڭ ەكونوميكالىق جاعدايىن قازىرگىدەن دە جاقسارتاتىن كوپتەگەن جوبالاردى ەكى تىلدە دە وتە جاتىق بايانداپ بەردى. ال ەسەپتەگى ناقتى مالىمەت, دالەلدى دەرەك جينالعان جۇرتشىلىق پەن وبلىس اكىمى اراسىندا جاراسىمدى پسيحولوگيالىق احۋال قالىپتاستىردى. كوسەمالى ساتتىباي ۇلى, «ەگەمەن قازاقستان». جامبىل وبلىسى.