ءوڭىردى وزگەرىستەر كۇتەدى

اۋىل-قالالاردان كەلگەن جۇرتشىلىق وبلىس اكىمى قانات بوزىمباەۆتىڭ حالىق الدىنداعى ەسەپتى كەزدەسۋىنە جينالدى. ەلباسىنىڭ 30 ەلدىڭ قاتارىنا قوسىلۋ جايلى تاپسىرماسى – بارىمىزگە ورتاق مىندەت. بيىلعى جولداۋىندا حالىقتىڭ ءومىر ءسۇرۋ ساپاسىن جاقسارتۋ تۋرالى بىرقاتار تاپسىرمالار بەرىلدى, بۇل ءبىزدىڭ ءوڭىر ءۇشىن دە اسا ماڭىزدى, دەدى وبلىس اكىمى قانات بوزىمباەۆ. اۋىز سۋ, جول جاعدايى جەرگىلىكتى اكىمدەردىڭ وزدەرى قولعا الىپ, جاسايتىن جۇمىس قوي, قايدا قاراپ وتىرسىزدار؟ حالىق بىزگە قاراپ وتىر. سوندىقتان, اقتوعاي, لەبياجى, ماي اۋداندارىنىڭ اكىمدەرىنە شىلدە ايىنا دەيىن ۋاقىت بەرىلەدى, دەدى قانات بوزىمباەۆ اۋدانداردى ارالاپ شىققان سوڭعى قورىتىندى جينالىس بارىسىندا. شاعىن جانە ورتا بيزنەستى دامىتۋ باعدارلاماسى بويىنشا اۋىلداردا جۇمىستار قولعا الىنباي تۇر. ەرتىس, ماي اۋداندارىنداعى توپتىق سۋ قۇبىرلارىن جاسايمىز دەپ كەلگەندەر بولدى, سۋ قۇبىرى دا جوق, قاراجات تا جوق, قازىر بۇل ماسەلە سوتتا قارالۋدا. ودان كەيىنگى ساپارلارى ءوندىرىستى ەكىباستۇز, اقسۋ قالالارىندا جالعاستى, بارلىق اۋدان ورتالىقتارى مەن اۋىلداردى, ءوندىرىس ورىندارىن ارالاپ شىقتى. وتكەن جىلى وڭىردەگى قورشاعان ورتانى قورعاۋ جونىندەگى ءىس-شارالاردى ىسكە اسىرۋعا 608,7 ميلليون تەڭگە ءبولىنىپتى. بىراق, زاۋىتتاردىڭ قورشاعان ورتاعا, ەكولوگياعا زيان جاساپ وتىرعاندارى ءجيى ايتىلادى. وبلىس ورتالىعىنداعى توقتاپ تۇرعان قۇرىلىستار, مىسالى, ەكىباستۇزداعى 700 ورىندىق اپاتتى الىپ قۇرىلىس بوزىمباەۆتىڭ ايتۋىمەن مينيسترلىكتەرگە جەتتى, كەيبىرى توقتاتىلدى. وتكەن جىلى وبلىس كاسىپورىندارى 1330,4 ملرد. تەڭگەنىڭ ونىمدەرىن ءوندىرىپتى. نەگىزگى كاپيتالعا سالىناتىن ينۆەستيتسيالاردىڭ كولەمى 266,2 ملرد. تەڭگەنى قۇراپ وتىر. بۇل كۇندەرى وبلىستا يندۋستريالاندىرۋ كارتاسى شەڭبەرىندە قۇنى 75,2 ملرد. تەڭگە تۇراتىن 5 جوبا ىسكە اسىرىلدى, 457 جۇمىس ورنى قۇرىلدى. يندۋستريالاندىرۋ كارتاسىنىڭ 53 ينۆەستيتسيالىق جوباسى پايدالانۋعا بەرىلگەن. وڭىردە اۋىل شارۋاشىلىعىن ءارتۇرلى باعىتتار بويىنشا سۋبسيديالاۋ­دا وسى جىلعا 4 ملرد. تەڭگە بولىنگەن. جالپى قۇنى 12,4 ملرد. تەڭگەنى قۇرايتىن 22 ينۆەستيتسيالىق جوبا قولعا الىنعانىن اتاپ ءوتتى. كەدەن وداعى شەڭبەرىندە وبلىس­تا رەسەي جانە بەلارۋسپەن 2584,4 ميلليون اقش دوللارى كولەمىندە ءوزارا ساۋدا قامتاماسىز ەتىلگەن. ەرتىس وزەنى بويىمەن 920 مىڭ توننا كولەمىندە جۇك تاسىمالداندى, ياعني ومبى, تۇمەن جاققا شىعا الامىز دەگەن ءسوز. بىلتىر 207,4 شاقىرىم جەرگىلىكتى ماڭىزى بار اۆتوموبيل جولدارىنا جوندەۋ-قالپىنا كەلتىرۋ جۇمىسى جۇرگىزىلسە, بيىل دا بۇل ءۇردىس جالعاسىن تاباتىنى ايتىلدى. «قولجەتىمدى تۇرعىن ءۇي-2020» سالالىق باعدارلاماسىن ىسكە اسىرۋ شەڭبەرىندە تۇرعىنۇيقۇرىلىسجيناق بانكى جەلىسى بويىنشا 17,7 مىڭ شارشى مەتر تۇرعىن ءۇي ىسكە قوسىلىپتى. وبلىستا «اق بۇلاق» باعدارلاماسى بويىنشا 1682,8 ميلليون تەڭگەگە 6 جوبا ىسكە اسىرىلۋدا. شاعىن جانە ورتا كاسىپكەرلىك سۋبەكتىلەرى 374,7 ملرد. تەڭگەگە ءونىم ءوندىردى. شاعىن جانە ورتا كاسىپكەرلىكتىڭ بەلسەندى سۋبەكتىلەرىنىڭ سانى 32135 بىرلىكتى قۇرادى, ونداعى جۇمىسپەن قامتىلعاندار سانى – 122,5 مىڭ ادام. «بيزنەستىڭ جول كارتاسى- 2020» باعدارلاماسى شەڭبەرىندە 72,9 ملرد. تەڭگە سوماسىنا 481 جوبا ىسكە اسىرىلۋدا. رەسپۋبليكالىق بيۋدجەت ەسەبىنەن وبلىس ورتالىعىندا پەريناتالدىق ورتالىققا قوسىمشا كورپۋس سالۋ جوسپارلانىپ وتىر. بۇل كۇندەرى رەسپۋبليكالىق بيۋدجەت قاراجاتى ەسەبىنەن كەنجەكول اۋىلىندا 600 ورىنعا, مايقايىڭ كەنتىندە 420 ورىنعا, شارباقتى اۋىلىندا 300 ورىنعا, وبلىس ورتالىعىندا 1200 ورىنعا ارنالعان مەكتەپتەردىڭ قۇرىلىسى جۇرگىزىلۋدە. اۋىل شارۋاشىلىعىندا ەڭبەك ونىمدىلىگىن ۇلعايتۋ قاجەت. ءبىز بولاشاقتا ەرتىس وزەنى مەن ساتباەۆ اتىنداعى ارنا ارقىلى سۋارمالى جەر كولەمىن 122 مىڭ گەكتارعا ۇلعايتاتاتىن بولامىز, دەدى قانات بوزىمباەۆ. جالپى العاندا, وتكەن جىلى اگروونەركاسىپتىك كەشەندى قولداۋعا 5,4 ملرد. تەڭگە ءبولىنىپ, يگەرىلىپتى. اۋىل شارۋاشىلىعىنىڭ جالپى ءونىم كولەمى 113,8 ملرد. تەڭگەنى قۇرادى. ءداندى-داقىلداردىڭ جالپى جينالىمى 718,6 مىڭ توننانى قۇرادى, ءاربىر گەكتاردان ونىمدىلىك 12,1 تسەنتنەر بولدى. مال شارۋاشىلىعىندا ءونىم كولەمى 57 ملرد. تەڭگەنى قۇرادى. ازىق-ت ۇلىك تاۋارلارىن وندىرۋشىلەرمەن الەۋمەتتىك ماڭىزى بار ازىق-ت ۇلىك باعالارىن تۇراقتاندىرۋ بويىنشا بىرقاتار مەموراندۋمدار جاسالدى. نەگىزگى ازىق-ت ۇلىك قورى جەرگىلىكتى جەردىڭ وزىندە بار. جيىن سوڭىندا ادەتتەگىدەي سۇراق-جاۋاپ ۋاقىتى كەلدى. مۇمكىندىگى شەكتەۋلى جانداردى وڭالتۋ, ءوزىن-ءوزى جۇمىسپەن قامتۋ, جەدەل مەديتسينالىق كومەك كورسەتۋ, تاۋارلارعا باعانى باقىلاۋدى كۇشەيتۋ, وبلىستا ديابەت ورتالىعىن اشۋ جونىندە ۇسىنىستار جاسالدى. پاۆلودار وبلىسى.