ماكرون مەن مورريسون ەكى ەلدىڭ قارىم-قاتىناسىنداعى داعدارىس باستالعاننان بەرى العاش رەت تەلەفون ارقىلى سويلەستى.
فرانتسۋز كوشباسشىسى كانبەررا قارىم-قاتىناستىڭ جاڭا انىقتاماسى بويىنشا ناقتى ارەكەتتەردى ۇسىنۋى كەرەك ەكەنىن اتاپ ءوتتى. ونىڭ ايتۋىنشا, فرانتسيامەن سۇڭگۋىر قايىقتار تۋرالى كەلىسىمشارتتى بۇزۋ جايلى شەشىم ەلدەر اراسىنداعى سەنىمگە نۇقسان كەلتىرگەن.
«مەن ونى انىق بىلەمىن», دەدى ماكرون اۆستراليالىق جۋرناليست بيۆەن ءشيلدستىڭ «ۇلكەن جيىرمالىق» ءسامميتى اياسىندا «اۆستراليا پرەمەر-ءمينيسترى وتىرىك ايتتى ما؟» دەگەن سۇراعىنا ءۇن قاتىپ. سونىمەن بىرگە ماكرون اۆستراليا حالقىن قۇرمەتتەيتىنىن اتاپ ءوتتى.
ء«بىز ونىڭ (مورريسون - رەد.) نە ىستەيتىنىن كورەمىز... مەن جاي عانا ءبىر دۇنيەنى ايتقىم كەلەدى: بىرەۋدى قۇرمەتتەگەن كەزدە ءسىز شىنايى بولۋىڭىز كەرەك جانە وسى قۇندىلىققا سايكەس ارەكەت ەتۋىڭىز قاجەت», دەپ اتاپ ءوتتى ماكرون «قازىر اۆستراليا پرەمەر - مينيسترىنە سەنە الاسىز با؟» دەگەن سۇراققا جاۋاپ بەرىپ.
ءوز سوزىندە اۆستراليا پرەمەر-ءمينيسترى وتىرىك ايتپاعانىن جانە ماكرونعا ماۋسىم ايىندا Naval Group فرانتسۋز كومپانياسىنىڭ سۋاستى قايىقتارى ەلدىڭ قاجەتتىلىكتەرىن قاناعاتتاندىرمايتىنىن جەتكىزگەنىن تىلىنە تيەك ەتتى.
فرانتسيامەن جاسالعان كەلىسىم Barracuda كلاستى 12 سوققى سۋاستى قايىقتارىن ءوندىرۋدى قاراستىردى. فرانتسيانىڭ سىرتقى ىستەر ءمينيسترى جان-يۆ لە دريان اۆستراليانىڭ كەلىسىمدى بۇزۋ تۋرالى شەشىمىن «ارتتان جاسالعان سوققى» دەپ اتاعان بولاتىن.
