مەموراندۋمعا قول قويىلدى

استانادا ادام قۇقىقتارى جونىندەگى ۋاكىل اسقار شاكىروۆ پەن قازاقستانداعى بۇۇ بالالار قورىنىڭ (يۋنيسەف) وكىلى دجۋن كۋكيتا قازاقستانداعى بالالاردىڭ قۇقىقتارىن قورعاۋ مەن ماداقتاۋ سالاسىنداعى ءوزارا تۇسىنىستىك تۋرالى مەموراندۋمعا قول قويدى, دەپ حابارلادى قازاقستان رەسپۋبليكاسىنداعى ادام قۇقىقتارى جونىندەگى ۋاكىل اپپاراتىنىڭ ءباسپاسوز قىزمەتى. تاراپتار قول قويۋ شەڭ­بەرىن­دە ادام قۇقىقتارى جونىندەگى ۋاكىل مەن يۋنيسەف اراسىندا سوڭعى جىلداردا قالىپتاسقان ءونىمدى ىنتىماقتاستىقتى قورىتىندىلادى. وسىلايشا, حالىقارالىق ساراپشىلاردى تارتۋمەن بىرگە, جۇيەلى نەگىزدە ينتەرناتتىق مەكەمەلەر مەن جالپى ءبىلىم بەرۋ مەكتەپتەرىندە بالالارعا قاتىستى زورلىق-زومبىلىق ماسەلەلەرىنە زەرتتەۋلەر جۇرگىزىلدى, بالالار مەكە­مەلەرىنە مونيتورينگ جۇرگىزۋگە ارنالعان قۇرال ازىرلەندى, ترەنينگ جانە سەمينارلار وتكىزىلدى. 2014-2015 جىلدارعا ار­نالعان مەموراندۋم ادام قۇ­قىقتارى جونىندەگى حا­لىق­ارالىق شارتتاردى, اتاپ ايت­­­قاندا, بۇۇ بالا قۇقىق­تارى تۋرالى كونۆەنتسيا­سىن, ازاپ­تاۋعا جانە باسقا دا قاتى­گەز, ادامگەرشىلىككە جات­پاي­تىن نە­مەسە ار-نامىستى قورلايتىن ءىس-ارەكەتتەر مەن جازالاۋ ءتۇر­لەرىنە قارسى كونۆەنتسياسىن, قازاقستان رەسپۋبليكاسىنىڭ «بالانىڭ قۇقىقتارى تۋرالى» زاڭىن جانە ەل پرەزيدەنتىنىڭ «قازاقستان جولى – 2050: ءبىر ماقسات, ءبىر مۇددە, ءبىر بولا­شاق» اتتى قازاقستان حالقىنا جولداۋىن ىسكە اسىرۋ ماقسا­تىن­دا جاسالدى. قول قويىلعان قۇجات شەڭ­بەرىندە تاراپتار بالاعا مەيى­رىمدى بولاتىن ادىلەت جۇيەسىن جەتىلدىرۋ, قۇقىق قورعاۋ تە­تىك­­تەرىنە بالالاردىڭ جانە جاستاردىڭ وسال توپتارىنىڭ قولجەتىمدىلىگىن جاقسارتۋ, بالالار مەكەمەلەرىنە تاۋەلسىز مونيتورينگ جۇرگىزۋ, سونداي-اق, بالالارعا قاتىستى زور­لىق-زومبىلىقتىڭ الدىن الۋ ماقساتىندا اقپاراتتىق ناۋ­قانداردى وتكىزۋ سياقتى بالا­لار قۇقىقتارىن قورعاۋ سالا­سىنداعى ىقتىماقتاستىقتى جالعاستىرادى.