بۇگىندە اتالعان ەكونوميكالىق ايماقتاعى ەڭ ىرگەلى جوبالاردىڭ ءبىرى سانالاتىن قانت زاۋىتىنىڭ نەگىزگى قۇرىلىس جۇمىستارى باستالۋدا.
جوبالىق قۇنى 91 ميلليارد تەڭگەنى قۇرايتىن زاماناۋي زاۋىتتىڭ قۋاتتىلىعى تاۋلىگىنە 8 مىڭ تونناعا دەيىن قىزىلشا وڭدەۋگە جەتەدى. قازىرگى كەزدە مۇندا ارنايى قالاشىق سالىنىپ, 130 ادام ۆاحتالىق ادىسپەن ەڭبەك ەتۋدە. ولار تەگىستەۋ, ىرگەتاستىڭ ورنىن دايىنداۋ سەكىلدى جۇمىستارعا قىزۋ كىرىسكەن.
«تاراز حيميالىق پاركى» ارنايى ەكونوميكالىق ايماعىنىڭ» باسقارما توراعاسى سەرىك نۇرعوجاەۆ جۋىق ارادا جۇمىسشىلار سانى تاعى دا ارتاتىندىعىن ايتتى. ال قانت زاۋىتىنىڭ قۇرىلىسىمەن اينالىسىپ جاتقان مەردىگەر بۇگىنگى كۇنگە دەيىن 800 ميلليون تەڭگە كولەمىندەگى قارجىنى يگەرسە, جىل سوڭىنا دەيىن 1 ميلليارد 200 ميلليون تەڭگەنى يگەرمەك. ءوز كەزەگىندە وبلىس اكىمى قانت زاۋىتىنىڭ ىسكە قوسىلۋى اۋدانداعى شارۋاشىلىقتاردىڭ جۇمىسىنا ەرەكشە سەرپىن بەرەتىنىن اتاپ ءوتتى. زاۋىت 2023 جىلى تولىق قۋاتىندا ىسكە قوسىلماق.
