ەل تاۋەلسىزدىگىنىڭ 30 جىلدىعىنا وراي ۇيىمداستىرىلىپ جاتقان ءداستۇرلى دودادا ون ەكى كوماندا باق سىناۋدا.
بۇگىن شارانىڭ سالتاناتتى اشىلۋ راسىمىنە قازاقستان رەسپۋبليكاسى قۇسبەگىلەر فەدەراتسياسىنىڭ پرەزيدەنتى بەرىك ءۋالي, نۇر-سۇلتان قالاسى دەنە شىنىقتىرۋ جانە سپورت باسقارماسىنىڭ باسشىسى سامات ەرعاليەۆ جانە ۇلتتىق سپورت قاۋىمداستىعىنىڭ اتقارۋشى ديرەكتورى راحات جاقسىباي قاتىستى.
العاشقى كۇنى قۇسبەگىلەر بۇركىتتى قولعا شاقىرۋ, ەركىن ۇشىرۋ, قارشىعانى قولعا شاقىرۋ, يتەلگىنى قولعا شاقىرۋ سىندى سايىستاردان سۇرىنبەي ءوتىپ, جارتىلاي فينال يەگەرلەرىن انىقتادى. ال, ەرتەڭ جارىس قاتىسۋشىلارى بۇركىتتى شىرعاعا, قويانعا سالۋ, قارشىعانى قويانعا سالۋ, يتەلگىنى قويانعا سالۋ بويىنشا سىنعا تۇسەدى.
قۇسبەگىلەر دوداسى نۇر-سۇلتان قالاسىنىڭ ىرگەسىندەگى سوفيەۆكا تاس جولىنىڭ ماڭىندا وتۋدە.
