– ءبىز مەملەكەتتىك كورسەتىلەتىن قىزمەتتەر سەرۆيسىنىڭ اياسىن كەڭەيتە وتىرىپ, ولاردى تانىمال قوسىمشالارعا شىعارۋدا بەلسەندى جۇمىس جۇرگىزىپ جاتىرمىز. وسىلايشا كورسەتىلەتىن قىزمەتتەردى حالىققا ىڭعايلى تاسىلمەن قولدانۋدى تاڭداۋ مۇمكىندىگىن ۇسىنۋعا تىرىسۋدامىز. قازىرگى ۋاقىتتا جەكە كاسىپكەردى تىركەۋ مەن كولىكتى قايتا تىركەۋدى بانك قوسىمشالارى ارقىلى جۇزەگە اسىرۋدامىز. سونداي-اق قازىر جاڭا تۋعان نارەستەلەرگە جاردەماقىنى سمارتفون ارقىلى راسىمدەۋگە بولادى, – دەيدى تسيفرلىق دامۋ, يننوۆاتسيالار جانە اەروعارىش ونەركاسىبى ۆيتسە-ءمينيسترى اسەت تۇرىسوۆ.
ەڭبەك جانە حالىقتى الەۋمەتتىك قورعاۋ ءمينيسترىنىڭ ورىنباسارى ەربول وسپانوۆتىڭ ايتۋىنشا, بىرلەسكەن قاناتقاقتى جوبانى ىسكە اسىرۋدىڭ ماقساتى – تۇپكى پايدالانۋشىعا بارىنشا قولايلى جاعداي جاساۋ.
– بۇل شارا ازاماتتاردىڭ كورسەتىلەتىن مەملەكەتتىك ەلەكتروندى قىزمەتتەرگە دەگەن سەنىمىن ارتتىرادى دەپ ويلايمىز. ءوز كەزەگىندە, ءبىز ەكىنشى دەڭگەيلى بانكتەرمەن قىزمەتتەردىڭ اۋقىمىن ۇلعايتۋ جانە ساپاسىن جاقسارتۋ ماقساتىندا ءارى قاراي ىنتىماقتاستىققا دايىن ەكەنىمىزدى بىلدىرەمىز, – دەيدى ول.
بالا ءبىر جاسقا تولعانعا دەيىن ونىڭ كۇتىمىنە بايلانىستى كىرىسىنەن ايىرىلۋ جاعدايىنا بايلانىستى تاعايىندالاتىن الەۋمەتتىك جاردەماقىعا ءوتىنىمدى Halyk Homebank پەن Kaspi.kz ءموبيلدى قوسىمشالارى ارقىلى بەرۋگە بولادى. بۇل ءۇشىن مەملەكەتتىك كورسەتىلەتىن قىزمەتتەر بولىمىنە كىرىپ, دەربەس دەرەكتەردى جيناۋعا جانە وڭدەۋگە كەلىسىمدى راستاۋ قاجەت. ودان كەيىنگى قادام – «بالانىڭ تۋىنا جاردەماقى» ءبولىمىن جانە ءوتىنىش بەرىلەتىن بالانىڭ دەرەكتەرىن تاڭداۋ. كەيىن بارلىق دەرەكتەردى تەكسەرىپ, ەتسق ارقىلى وتىنىمگە قول قوياسىز.
كليەنت ءوتىنىمدى جىبەرىپ, ونى مەملەكەتتىك ورگان قاراعاننان كەيىن كليەنتكە PUSH حابارلاماسى جولدانادى جانە ءوتىنىشتىڭ قاراۋ ناتيجەسى مەن تاعايىندالعان جاردەماقى كولەمى تۋرالى SMS جىبەرىلەدى. كورسەتىلەتىن قىزمەت تۇرىنە ءوتىنىشتى بالا تۋعاننان باستاپ ءبىر جىل ىشىندە كەز كەلگەن ۋاقىتتا جولداۋعا بولادى.
ء«وتىنىشتى الدىن الا حقو, ەلەكتروندى ۇكىمەت پورتالى ارقىلى نەمەسە 1414 ءنومىرى ارقىلى SMS سەرۆيسپەن بەرۋگە بولدى. بۇل قىزمەت جوعارىدا اتالعان سەرۆيستەر بويىنشا كورسەتىلەتىن ەڭ تانىمال قىزمەتتەردىڭ ءبىرى سانالادى جانە تۇرعىندار اراسىندا سۇرانىسقا يە. 2021 جىلى حقو ارقىلى شامامەن 344 134, eGov.kz پورتالى ارقىلى 144 751 جانە «1414» SMS قىزمەتى ارقىلى 209 351 ءوتىنىم بەرىلدى. قازىرگى ۋاقىتتا Halyk Homebank پەن Kaspi.kz ىڭعايلى سەرۆيستەرىمەن ينتەگراتسيالاۋدىڭ ناتيجەسىندە 500-دەن استام ءوتىنىم ءساتتى قابىلداندى. قازىرگى كەزدە كورسەتىلەتىن قىزمەتكە Kaspi.kz ءموبيلدى قوسىمشاسىندا iOS مەن Android قولدانۋشىلارى ءۇشىن جانە Halyk Homebank ءموبيلدى قوسىمشاسىندا Android قولدانۋشىلارىنا قولجەتىمدىلىك بار, iOS جۇيەسىندە جاقىن ارادا پايدا بولادى» دەلىنگەن مينيسترلىكتىڭ حابارلاماسىندا.
