ايماقتار • 28 قازان، 2021

الماتىداعى كرەماتوري قۇرىلىسى بيىل اياقتالادى

45 رەت كورسەتىلدى

الماتىداعى كرەماتوري قۇرىلىسى 2021 جىلدىڭ سوڭىنا دەيىن اياقتالادى. بۇل تۋرالى الماتى قالاسى جايلى قالالىق ورتا باسقارماسىنىڭ باسشىسى ساپار نۇراشەۆ بريفينگ بارىسىندا ءمالىم ەتتى، دەپ حابارلايدى Egemen.kz.

 

«بۇل نىساندى ءبىز كرەماتوري دەمەيمىز. 2020 جىلى پاتولوگيالىق بيۋرونى پايدالانۋعا بەردىك. ول جەو-2 وڭتۇستىگىنە قاراي ورنالاسقان. نىسان پاتولوگيالىق بيۋرونىڭ فيليالى بولىپ سانالادى. ونىڭ فۋنكتسيونالدىق ماقساتى بيولوگيالىق جانە مەديتسينالىق قالدىقتاردى جويۋ»، دەدى ساپار نۇراشەۆ.

سپيكەردىڭ سوزىنشە، قازىرگى ۋاقىتتا قۇرىلىس جۇمىستارى اياقتالۋعا جاقىن قالدى.

«بۇگىنگى كۇنى نىسان ىشىندە قوندىرعىلاردى ىسكە قوسۋ-مونتاجداۋ جۇمىستارى ءجۇرىپ جاتىر. چەحيادان قۇرال-جابدىقتار جەتىكزىلدى. قازىر ءوندىرۋشى كومپانيانىڭ وكىلدەرى كەلىپ، مونتاجداۋ جۇمىستارىن جۇرگىزىپ جاتىر»، دەپ ءتۇسىندىردى ساپار نۇراشەۆ.

ايتا كەتەيىك، 2020 جىلدىڭ جازىندا كرەماتوري قۇرىلىسىنىڭ جوبالىق-سمەتالىق قۇجاتتارىن ازىرلەۋگە تەندەر جاريالانعان بولاتىن. تاپسىرىس بەرۋشى – الماتى قالاسى جايلى قالالىق ورتا باسقارماسى.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار