ايماقتار • 28 قازان، 2021

پاۆلودار مۇناي-حيميا زاۋىتىن جوندەۋ مەرزىمىنەن بۇرىن اياقتالدى

50 رەت كورسەتىلدى

«قازمۇنايگاز» پاۆلودار مۇناي-حيميا زاۋىتى جوندەۋ جۇمىستارىن مەرزىمىنەن بۇرىن اياقتاپ، ىسكە قوسۋ وپەراتسيالارىن باستادى، دەپ حابارلايدى Egemen.kz.

قاراشانىڭ 1-ىنەن باستاپ «پمحز» جشس بارلىق ءونىم تۇرلەرىن قايتا شىعارا باستايدى.

وسىنداي جۇمىستاردى جۇرگىزۋ ءۇشىن قولايسىز كليماتتىق جاعدايلارعا قاراماستان، زاۋىت ۇجىمى قويىلعان مىندەتتى جوسپارلانعان مەرزىمنەن بۇرىن ءساتتى ورىنداپ شىقتى.

بارلىعى 933 بىرلىك تەحنولوگيالىق قۇبىردىڭ، 19 بىرلىك تەحنيكالىق بۋ قۇبىردىڭ جانە 300 بىرلىك قۇرال-جابدىقتىڭ تەحنيكالىق كۋالاندىرىلۋى، رەۆيزياسى مەن ساراپتاماسى جۇرگىزىلدى.

زاۋىتتى جوندەۋ بارىسىندا بىرقاتار ءىرى جۇمىستار اتقارىلدى: مۇنايدى باستاپقى وڭدەۋ وندىرىسىندە كولوننا اۋىستىرىلدى، قۇرامىندا سۋتەگى بار گاز جەلىسى مەن سۋ قايناتقىشى جوندەلدى، مۇنايدى تەرەڭ وڭدەۋ وندىرىسىندە پەشتەردىڭ گاز وتكىزگىشتەرى، ترانسفەرلىك جەلى، قوسارلانعان جىلۋ الماستىرعىش پەن سەپاراتورلار اۋىستىرىلدى.

مۇنايدى باستاپقى جانە تەرەڭ وڭدەۋ وندىرىستەرىندە بيىكتىگى 180 جانە 120 مەتر ءتۇتىن مۇرجالارىنىڭ كورروزياعا قارسى قورعاۋ جۇمىستارىن اتاپ وتكەن ءجون.

جوندەۋگە كاسىپورىن قىزمەتكەرلەرىنەن بولەك مەردىگەرلىك ۇيىمداردىڭ 1241 جۇمىسكەرى جۇمىلدىرىلدى. جۇمىستاردىڭ دۇرىس ۇيىمداستىرىلۋى، سونداي-اق زاۋىت پەن مەردىگەرلىك ۇيىمدار ۇجىمىنىڭ قاجىرلى ەڭبەگى جوعارىدا اتالعان بارلىق شارالاردى ورىنداپ، كاسىپورىندى مەرزىمنەن بۇرىن ىسكە قوسۋعا مۇمكىندىك بەردى.

جوندەۋ كەزىندە اتقارىلعان بارلىق شارا ءوندىرىس قاۋىپسىزدىگىن لايىقتى دەڭگەيدە ساقتاپ تۇرۋعا، زاۋىت شىعاراتىن مۇناي ونىمدەرىنىڭ ساپاسى مەن بارلىق ەكولوگيالىق كورسەتكىشتەردىڭ ساقتالۋىنا سەپتەسەدى.

ەسكە سالا كەتەيىك، بيىل پاۆلودار مۇناي-حيميا زاۋىتىن جوندەۋ مەرزىمى ءۇش رەت كەيىنگە قالدىرىلدى.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

ۇقساس جاڭالىقتار