وبلىس ورتالىقتارىنىڭ ىشىندە تۇركىستان قالاسىندا ءبىرىنشى بولىپ حالىق ساناعى اياسىندا ۇيلەردى ارالاۋ جۇمىستارى اياقتالعان. مۇندا 220 553 رەسپوندەنت ساۋالنامادان ءوتتى نەمەسە قامتۋ كورسەتكىشى 118%-ءى قۇراعان. وڭىردە سونداي-اق, كەنتاۋ مەن ارىس قالالارى دا ساناق اياسىنداعى ساۋالناما جۇمىستارىن ءتامامدادى.
الماتى وبلىسىنىڭ تەكەلى قالاسى دا ساۋال سالۋ شارالارىن اياقتاعان ەلدى مەكەندەردىڭ قاتارىنا ەندى. مۇندا رەسپوندەنتتەر سانى 29 509 (100,1%) ادامدى قۇراعان.
قاراعاندى وبلىسىنىڭ نۇرا اۋدانى دا ساۋالناما جۇرگىزۋ كەزەڭىن اياقتاپ, رەسپوندەنتتەر سانىن شىعارعان. ولاردىڭ قاتارى 21 837 نەمەسە 1 تامىزداعى جاعداي بويىنشا حالىق سانىنىڭ 99,4%-ءىن قۇرادى.
ال قىزىلوردا وبلىسىنداعى بايقوڭىر قالاسى مەن بارلىق اۋداندار (ارال, جالاعاش, جاڭاقورعان, قازالى, قارماقشى, سىرداريا, شيەلى) ساناق اياسىندا ساۋالناما جۇرگىزۋ شارالارىن اياقتاعان. بايقوڭىردا 1 تامىزداعى دەرەككە سايكەس, حالقىنىڭ سانى 39548 ادامدى قۇراسا, ساۋال سالۋ ناتيجەسىندە 39 622-گە (100,2%) جەتكەنى بەلگىلى بولدى. ساۋالناما كەزەڭىن اياقتاعان ەلدى مەكەندەردە ناقتىلاۋ شارالارى قوسىمشا جۇرگىزىلەتىن بولادى.
28 قازانداعى جاعداي بويىنشا حالىقتى ساناقپەن قامتۋ كورسەتكىشى 18 663 838 ادامعا نەمەسە 98,1%-كە جەتتى. قامتۋ كورسەتكىشى بويىنشا الماتى قالاسى كوش باسىندا – 108,9%. ياعني, 1 تامىزداعى جاعداي بويىنشا مەگاپوليستە تۇراقتى تۇراتىنداردىڭ سانى 2 005 496 ادامدى قۇراعان. ونلاين ساناق پەن ينتەرۆيۋەرلەر جۇرگىزگەن ساۋالنامانىڭ ارالىق ناتيجەلەرى قازىرگى ۋاقىتتا قالادا 2 183 534 رەسپوندەنت بار ەكەنىن كورسەتتى.
ساۋال سالۋ جۇمىستارى ءالى دە جالعاسۋدا. وسىعان ۇقساس جاعداي جامبىل (102,2%), الماتى (102,1%), تۇركىستان (101,5%), شىعىس قازاقستان (101,1%) وبلىستارى مەن شىمكەنت (101,4%) قالاسىندا قالىپتاستى. بۇل وڭىرلەردە دە ساناق جۇمىستارى اياقتالعان جوق. 2021 جىلعى ۇلتتىق ساناقتىڭ نەگىزگى كەزەڭى قازاقستاندا 1 قىركۇيەكتەن 30 قازانعا دەيىن وتۋدە. قاراشانىڭ 8-نە دەيىن ساناق وتكىزۋ ادىستەمەسىنە سايكەس, ناقتىلاۋ شارالارى قاراستىرىلعان.
