«نۇر-سۇلتان قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتىنىڭ قاۋلىسىمەن اينا باكەەۆا ۇساق بۇزاقىلىق جاساعانى ءۇشىن كىنالى دەپ تانىلىپ (قر اقبتك-ءنىڭ 434-بابىنىڭ 1-بولىگى), 10 تاۋلىك مەرزىمگە قاماۋعا الۋ تۇرىندە اكىمشىلىك جازاعا تارتىلدى», دەپ جازادى نۇر-سۇلتان سوتىنىڭ ءباسپاسوز قىزمەتى.
قاۋلى زاڭدى كۇشىنە ەنگەن جوق.
ەسكە سالا كەتسەك, قازنەتتە ەلوردالىق №58 مەكتەپتە بالالارعا جاسىرىن تۇردە دارەتحانادا ەكپە جاسالىپ جاتقانى تۋرالى جالعان حابارلاما تاراعان بولاتىن. ءبىلىم باسقارماسى بۇل جالعان اقپارات ەكەنىن ناقتىلادى.
سونىمەن قاتار, اينا باكەەۆا جانە تاعى بىرنەشە ادام ەلوردالىق مەكتەپكە كىرىپ, بارلىق سانيتارلىق-ەپيدەميولوگيالىق نورمالاردى بۇزىپ, دارەتحانادا ەكپە سالۋ فاكتىسىن دالەلدەۋگە تىرىسقان. بۇل تۋرالى بەينە الەۋمەتتىك جەلىلەردە جاريالانعان.
