كوروناۆيرۋس • 28 قازان، 2021

بوساڭسۋعا بولمايدى

37 رەت كورسەتىلدى

تۇركىستان وبلىسىندا كوروناۆيرۋس جۇقتىرعاندار سانى 15 مىڭ ادامنان استى. سوڭعى 7 كۇندە 190 ادامنىڭ اۋرۋعا شالدىققانى انىقتالدى. بۇگىندە 400-گە جۋىق ادام كوروناۆيرۋس ينفەكتسياسىنان ەمدەلۋدە. وڭىردە جالپى 1 ملن-نان استام ادام پتر-تەستتەن وتكەن. ينفەكتسيالىق توسەكتىك ورىندار سانىنىڭ جۇكتەمەسى 37،2%-عا، كارانتيندىك توسەكتىك ورىننىڭ جۇكتەمەسى – 2،6%-عا، جانساقتاۋ توسەكتىك ورىندار سانىنىڭ جۇكتەمەسى 33%-عا قىسقارتىلدى.

بۇل دەرەكتەر وبلىستاعى سا­ن­يتارلىق-ەپيدەميالىق جاعداي باياندالعان اپپاراتتىق جي­نالىستا ايتىلدى. كورو­نا­ۆي­رۋس اۋرۋشاڭدىعى بويىنشا «جاسىل» ايماقتا ورنالاسقان وڭىردە كۇندەلىكتى تىركەلىپ وتىرعان ناۋقاستار كورسەتكىشى دە رەسپۋب­ليكادا تومەن. دەگەنمەن وبلىس اكىمى ومىرزاق شوكەەۆ بارلىق كارانتيندىك تالاپتاردى قاتاڭ ساقتاپ، بوساڭسۋعا بولمايتىنىن ايتتى.

«بوساڭسۋعا بولمايدى. قازىر وزدەرىڭىز بىلەسىزدەر، رەسەيدە بۇل اۋرۋ ءوcىپ جاتىر. شەكارالاس اۋماقتار ارقىلى بىزگە دە جە­تەتىنى تۇسىنىكتى جاعداي. وسى­عان دەيىنگى جاعدايلار قاي­تالانباس ءۇشىن دايىندالۋ كەرەك. ۆيرۋسقا قارسى كۇرەس شارالارى قاتاڭ ساقتالۋى ءتيىس. سوسىن مەكتەپتەردە وتە قاتاڭ قاداعالاۋ ورناتۋ كەرەك»، دەدى وبلىس اكىمى.

كوروناۆيرۋسقا قارسى ۆاكتسينالاۋ قارقىنى بويىنشا وبلىس ەلىمىزدە الدىڭعى قاتاردا. اقپان ايىنان باستاپ ۆاكتسينانىڭ 974 435 دوزاسى جەتكىزىلدى. جالپى، 150 ەگۋ پۋنكتىندە ءى كومپونەنتپەن – 972 382 ادام (1-كەزەڭ بو­يىنشا ۆاكتسينالاۋ قامتۋ پا­يىزى – 92،0%)، ءىى كومپونەنتپەن – 873 912 ادام (2-كەزەڭ بويىنشا– 82،5%) ۆاكتسينا العان.

ال بيىلعى III توقساننىڭ قورىتىندىسى بويىنشا وتكەن كەڭەيتىلگەن القا وتىرىسىندا وبلىستىق قوعامدىق دەنساۋلىق باسقارماسىنىڭ باسشىسى مارات پاشيموۆ ەپيدەميالىق جاعداي تۇراقتى ەكەنىن ءمالىم ەتتى. وڭىردە انا ءولىمى 28،4%، ال ءسابي ءولىمى 7،9%-دى قۇرايدى. وسى ورايدا انا مەن بالا ساۋلىعىن ساقتاپ، حالىقتىڭ دەنساۋلىعىن جاقسارتۋعا باعىتتالعان ءىس-شارالار تۇراقتى تۇردە جالعاسا بەرمەك. مىسالى، جۋىردا تۇركىستاندا ابۋ-ءدابيدىڭ تاق مۇراگەرى شەيح مۇحاممەد بەن زايد ءال ناحايان اتىنداعى 80 ورىندىق پەرزەنتحانانىڭ قۇ­رىلىسى باستالدى. بىرىككەن اراب امىرلىكتەرى پرەمەر-ءمينيسترىنىڭ ورىنباسارى، پرەزيدەنت ىستەرى جونىندەگى ءمينيسترى شەيح مانسۋر بەن زايد ءال ناحايان مەن تۇركىستان وبلىسىنىڭ اكىمى ومىرزاق شوكەەۆ جاڭا «انا مەن بالا ورتالىعىنىڭ» ىرگەتاسىنا كاپسۋلا سالدى.

ء«بىز دەنساۋلىق ساقتاۋ سالا­سى­نىڭ ماڭىزدى نىسان­دا­رىنىڭ ءبىرى – شەيح مانسۋر بەن زايد ءال ناحاياننىڭ تۇركىستان تۇرعىندارى ءۇشىن قايىرىمدىلىق كومەگى بولىپ تابىلاتىن قۇرىلىس الاڭىنا كاپسۋلا سالامىز. جوبانى تۇركىستان وبلىسى اكىمدىگى مەن ابۋ-دابي دامۋ قورى بىرلەسىپ جۇزەگە اسىرىپ جاتىر. باستاما بىرىككەن اراب امىرلىكتەرى مەن قازاقستان رەسپۋبليكاسى اراسىنداعى تىعىز تاريحي بايلانىستار مەن ستراتەگيالىق ارىپتەستىكتى نىعايتۋدىڭ سيمۆولى، سونداي-اق قازاقستان حال­قىنىڭ دەنساۋلىعىن نىعاي­تۋعا جانە تۇركىستان قالا­سىنىڭ ين­فرا­­قۇرىلىمىن دامىتۋعا قوس­قان ۇلەسى بولىپ تابىلادى»، دەلىنگەن كاپسۋلاداعى جازبادا.

ەۋروپالىق ۇلگىدە سالىناتىن زاماناۋي پەرزەنتحانانىڭ قۇرىلىسى كەلەر جىلى اياقتا­لا­دى دەپ جوسپارلانعان.

سونداي-اق كەڭەيتىلگەن وتىرىستا باسقارما باسشىسى وبلىس بويىنشا تۋبەركۋلەزدىڭ تارالۋى 100 مىڭ تۇرعىنعا 25،8% قۇرايتىنىن، بالالاردىڭ اراسىندا تۋبەركۋلەز 2،1 پا­يىز­عا تومەندەگەنىن ايتىپ ءوتتى. قالالىق جانە اۋداندىق دەڭ­گەي­دە­گى مەديتسينالىق ۇيىمدار 82% ينتەرنەتكە قولجەتىمدى، تسيفر­لاندىرۋمەن تولىق قامتاماسىز ەتىلگەن.

 

تۇركىستان وبلىسى

 

سوڭعى جاڭالىقتار

ۇقساس جاڭالىقتار