وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق سانيتارلىق-ەپيدەميالىق باقىلاۋ دەپارتامەنتىنىڭ باسشىسى دينارا جاڭابەرگەنوۆا تامىزدا 2 486, قىركۇيەكتە 1 125 جاعداي انىقتالسا, 24 قازانعا دەيىن 737 دەرەك تىركەلگەنىن اتاپ ءوتتى.
– وبلىس تۇرعىندارى اراسىندا كارانتين تالاپتارىنىڭ ساقتالۋىنا مونيتورينگ جۇرگىزۋ جالعاسۋدا. جىل باسىنان بەرى بۇگىنگە دەيىن مونيتورينگتىك توپ 15 118 نىساندى تەكسەرگەن. ونىڭ بارىسىندا كارانتين تالاپتارىن بۇزۋدىڭ 799 دەرەگى بەلگىلى بولىپ, 52 ملن تەڭگەدەن استام اكىمشىلىك ايىپپۇل سالىندى. قىركۇيەك ايىنىڭ سوڭىنا تامان Ashyq جۇيەسىنە قوسىلعان نىسانداردا بەلگىلەنگەن شەكتەۋلەردى ساقتاي وتىرىپ, توي وتكىزۋگە رۇقسات بەرىلدى. دەگەنمەن ءۇي جاعدايىندا ادامداردى كوپ جيناي وتىرىپ, وتباسىلىق ءىس-شارالاردى وتكىزۋ توقتاماي تۇر. جىل باسىنان بەرى وسىنداي 515 دەرەك انىقتالدى, – دەيدى دەپارتامەنت باسشىسى.
بۇگىندە وبلىستا ۆاكتسينانىڭ تولىق كۋرسىنان وتكەن تۇرعىندار سانى 286 448-گە جەتتى, بۇل ءتيىستى كونتينگەنتتىڭ 63,3 پايىزى. جالپى, ۆاكتسينالاۋ كورسەتكىشى بويىنشا سىر بويى رەسپۋبليكادا العاشقى بەستىك قاتارىندا تۇر. وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى جانگەلدى شايىمبەتوۆتىڭ ايتۋىنشا, وبلىس ورتالىعىنداعى №1 قالالىق ەمحانادا كوروناۆيرۋسقا قارسى ەكپەنى جوسپارداعى 25 256 ادام تولىق العان, جالاعاش جانە قارماقشى اۋداندارى دا ۆاكتسينالاۋ جۇمىستارىن ءساتتى اياقتاپتى.
ماماندار تۇرعىندار اراسىندا ۇجىمدىق يممۋنيتەت قالىپتاسىپ كەلە جاتقانىن ايتىپ وتىر. بىراق ساقتىق شارالارى ەستەن ەكى ەلى شىقپاۋى ءتيىس.
قىزىلوردا وبلىسى
