ەكولوگيا • 27 قازان، 2021

ۆيتسە-مينيستر: قازاقستاندا اەس سالۋ ماسەلەسى زەرتتەلىپ جاتىر

37 رەت كورسەتىلدى

قازاقستاندا اەس سالۋ ماسەلەسى زەرتتەلىپ جاتىر. بۇل تۋرالى ەنەرگەتيكا ءبىرىنشى ۆيتسە-ءمينيسترى مۇرات جۇرەبەكوۆ ايتىپ بەردى، دەپ حابارلايدى Egemen.kz.

«مەملەكەت باسشىسى ءوز جولداۋىندا وسى ماسەلەنى ءبىر جىلدا پىسىقتاۋدى تاپسىردى. قازىر ءبىز بۇل جونىندە بەلسەندى جۇمىس ىستەپ جاتىرمىز. ياعني، ءبىزدىڭ جۇمىسىمىز – وسىنداي جوبالاردى ىسكە اسىرۋ ءۇشىن قاجەتتى كريتەريلەردى ەسكەرە وتىرىپ، ەل اۋماعىندا اەس سالاتىن ورىندى انىقتاۋ. ءبىز سونداي-اق حالىقارالىق ساراپشىلارمەن، سونىڭ ىشىندە تەحنولوگيا، قۋات بويىنشا كونسۋلتاتسيالار جۇرگىزۋدەمىز. بىزدە تاپشىلىق بولا ما، ەگەر بولسا، قاي جىلى جانە قانداي كولەمدە بولاتىنىن انىقتاۋ ءۇشىن ەلەكتر تۇتىنۋ مەن ەلەكتر ءوندىرىسىنىڭ تەڭگەرىمىنە قارايمىز. بۇل جۇمىستاردىڭ بارلىعى قازىر كەشەندى تۇردە جۇرگىزىلۋدە»، دەدى مۇرات جۇرەبەكوۆ ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.

سونىمەن بىرگە، سپيكەر اەس-كە قاتىستى ماسەلەلەر حالىقارالىق ساراپشىلارمەن بىرگە تالقىلاناتىنىن اتاپ ءوتتى. ونىڭ ايتۋىنشا، ءبىر جىل ىشىندە ۆەدومستۆو ماسەلەنى ودان ءارى ىسكە اسىرۋ بويىنشا ءوز پايىمىن ۇسىنادى.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

ۇقساس جاڭالىقتار