بوكس • 27 قازان، 2021

ساكەن بيبوسىنوۆ: سەربياعا التىن الۋعا كەلدىم!

39 رەت كورسەتىلدى

بوكستان سەربيا استاناسى بەلگراد قالاسىندا ءوتىپ جاتقان الەم چەمپيوناتىن قازاقستاندىق بوكسشىلار ءساتتى باستاعانى بەلگىلى. توكيو وليمپياداسىنىڭ قولا جۇلدەگەرى ساكەن بيبوسىنوۆ تا ءبىرىنشى كەزدەسۋىندە ريو-دە-جانەيرو وليمپياداسىنىڭ چەمپيونى، وزبەكستاندىق حاسانباي دۋسماتوۆتى جارىس جولىنان ىعىستىردى، دەپ حابارلايدى Egemen.kz.

ءۇش راۋند بويى كلاسسيكالىق ستيلدە جۇدىرىقتاسقان ساكەن بۇل كۇنى حاسانباي دۋسماتوۆتى ەركىن ۇتتى. ازۋلى قارسىلاسىنان ايلاسىن اسىرعان قازاق ساڭلاعى الەم چەمپيوناتىنا تىڭعىلىقتى دايىندالىپ كەلگەنىن ايتتى. «الەمدىك دوداعا بارىمدى سالىپ دايىندالدىم. توكيودا بۇيىرماعان التىن مەدالدى وسى دودادا العىم كەلەدى. سوندىقتان دا بەلگرادقا تەك التىن جۇلدە ءۇشىن كەلگەن جايىم بار. جەكپە-جەكتە جەڭىسكە جەتۋىم ءۇشىن بارلىق جاعدايدى جاساعان جاتتىقتىرۋشىلارعا العىسىمدى بىلدىرەمىن»، دەدى ول.

ساكەننەن بولەك 75 كيلوگرامم سالماقتا سىنعا تۇكەن نۇرقانات رايىس تا ءبىرىنشى كەزدەسۋىن جەڭىسپەن اياقتادى. ول چەرنوگوريالىق ستەفان ساۆكوۆيچتى ەلىنە قايتاردى. ازىرگە رينگكە شىققان ءتورت بوكسشىمىزدىڭ دا ۇپايى تۇگەل. ءبىرىنشى بولىپ جەڭىستى جورىقتى سەرىك تەمىرجانوۆ (57 كيلوگرامم)، ابىلايحان ءجۇسىپوۆ (67 كيلوگرامم) باستاعان بولاتىن.

سوڭعى جاڭالىقتار

مۇحتار مەن قايىم

قازاقستان • كەشە

ەلدە قىلمىس ازايعان

قوعام • كەشە

اقاڭ جانە قازاق راديوcى

احمەت بايتۇرسىن ۇلى • كەشە

رۋحتى جىردىڭ يەسى

ادەبيەت • كەشە

ۇقساس جاڭالىقتار