ەلىمىزدىڭ جەكەلەگەن وڭىرلەرىندە كوكتايعاق بولادى

بۇگىن, 18 اقپان كۇنى ەلىمىزدىڭ كەيبىر ايماقتارىندا اتموسفەرالىق اعىنداردىڭ وتۋىنە بايلانىستى اۋا رايى تۇراقسىز بولادى. بۇل تۋرالى Gazeta.kz حابارلادى. الماتى وبلىسىنىڭ جالاڭاشكول  اۋدانىندا جەلدىڭ ەكپىنى سەكۋندىنا 27 مەترگە دەيىن جەتەدى. وسى وڭىردە تۇندە تۇمان تۇسەدى دەپ كۇتىلۋدە.  ال شىعىس قازاقستان وبلىسىنىڭ جارما اۋدانىندا جەلدىڭ ەكپىنى سەكۋندىنا 27 مەترگە دەيىن جەتۋى مۇمكىن. وڭتۇستىك قازاقستان, الماتى, سولتۇستىك قازاقستان جانە قوستاناي وبلىستارىندا جەلدىڭ ەكپىنى سەكۋندىنا 15-20 مەترگە دەيىن كۇشەيەدى. باتىس قازاقستان, اقتوبە جانە ماڭعىستاۋ وبلىستارىندا تۇمان ءتۇسىپ, كوكتايعاق بولۋى ىقتيمال.  قىزىلوردا وبلىسىنىڭ كەي جەرلەرىندە جەلدىڭ ەكپىنى سەكۋندىنا 15-20 مەترگە دەيىن جەتىپ, كوكتايعاق بولاتىنى كۇتىلۋدە. وسىعان وراي, جەرگىلىكتى جەردەگى توتەنشە جاعدايلار دەپارتامەنتى وبلىس تۇرعىندارى مەن قوناقتارىنا قاۋىپسىزدىكتى ساقتاۋ قاجەتتىگىن ەسكەرتەدى. رەسپۋبليكانىڭ وڭتۇستىك-شىعىس جانە شىعىس وڭىرىندەگى وزەندەر سۋى دەڭگەيىنىڭ كوتەرىلۋى مۇمكىن. بۇل مالىمەت شاردارا سۋ قويماسىنا دا قاتىستى ەكەنىن ەسكە سالامىز. ءامىرحان الماعانبەتوۆ. دەرەككوز: Gazeta.kz. فوتو: Gubdaily.ru.