وقيعا • 26 قازان، 2021

اقتوبەدە جالعان حابارلاما تاراتقان ازامات تۇرمەگە قامالۋى مۇمكىن

88 رەت كورسەتىلدى

اقتوبە قالاسىندا پب جبو «102» تەلەفونىنا ەر ادام قوڭىراۋ شالىپ، «ترويا» ءدامحاناسىنا بومبا قويىلعانىن ءمالىم ەتتى، دەپ حابارلايدى Egemen.kz.

شۇعىل قىزمەتتەر مەن ساپەرلەر توبى دەرەۋ وقيعا ورنىنا جەتىپ، ءدامحانادا جارىلعىش قۇرىلعىلارعا تەكسەرۋ ۇيىمداستىردى. دامحاناعا كەلگەن 87 ادام مەن قىزمەتكەرلەر ەۆاكۋاتسيالاندى. جارىلعىش قۇرىلعى تابىلعان جوق.

«جەدەل-ىزدەستىرۋ ءىس-شارالارىن جۇرگىزۋ بارىسىندا تەرروريزم اكتىسى تۋرالى كورىنەۋ جالعان حابارلاما جاسادى دەگەن كۇدىكپەن پاترۋلدىك پوليتسيا قىزمەتكەرلەرى قوبدا اۋدانىنىڭ 27 جاستاعى تۇرعىنىن انىقتاپ، ۇستادى. ول  قالجىڭداپ ايتقانىن ءتۇسىندىردى. اتالعان فاكتى نەگىزىندە قر قك-ءنىڭ 273-بابى «تەرروريزم اكتىسى تۋرالى كورىنەۋ جالعان حابارلاۋ» بويىنشا سوتقا دەيىنگى تەرگەۋ باستالدى. كۇدىكتى ۋۇي-عا قاماۋعا الىندى»، دەلىنگەن ۆەدومستۆو حابارلاماسىندا.

ايتا كەتەيىك، اتالمىش باپتىڭ سانكتسياسى بەس جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازانى كوزدەيدى.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار