ءانۋار سۇلەيمەنوۆ مونيتورينگتە ءىرى بيزنەستىڭ 342 سۋبەكتىسى تۇرعانىن حابارلادى. ونىڭ 98-ءى - جەر قويناۋىن پايدالانۋشىلار, 244-ءى - ەكونوميكانىڭ ءتۇرلى سەكتورلارىنداعى ءىرى سالىق تولەۋشىلەر. ولارعا مەملەكەتتىك بيۋدجەتكە سالىق تۇسىمدەرىنىڭ 43,7%-ى جانە رەسپۋبليكالىق بيۋدجەتكە 51%-دان استامى تيەسىلى.
ء«ىرى بيزنەس سۋبەكتىلەرىنەن مەملەكەتتىك بيۋدجەتكە تۇسەتىن تۇسىمدەر جىل باسىنان بەرى 1 270 ملرد تەڭگەگە نەمەسە 36%-عا ۇلعايىپ, 3 302,3 ملرد تەڭگەنى قۇرادى. رەسپۋبليكالىق بيۋدجەتكە تۇسەتىن تۇسىمدەر 840,1 ملرد تەڭگەگە نەمەسە 50%–عا ۇلعايىپ, 2 520,7 ملرد تەڭگەنى قۇرادى», دەپ قوستى سپيكەر.
ەكونوميكا سەكتورلارى بويىنشا تۇسىمدەردىڭ بارىنشا ۇلعايۋى كەلەسىدەي:
- كوتەرمە جانە بولشەك ساۋدا - 26%-عا نەمەسە 274,8 ملرد تەڭگەگە ءوستى;
- وڭدەۋ ونەركاسىبى - 17,4%-عا نەمەسە 184,8 ملرد تەڭگەگە ءوستى;
- قارجى جانە ساقتاندىرۋ قىزمەتى, جىلجىمايتىن م ۇلىكپەن وپەراتسيالار - 14,2%-عا نەمەسە 151 ملرد تەڭگەگە ءوستى;
- قۇبىر ارقىلى تاسىمالداۋ – 38,7%-عا نەمەسە 33 ملرد تەڭگەگە ءوستى.
سۇلەيمەنوۆ تۇسىمدەردىڭ ۇلعايۋى پاندەميادان كەيىن ەكونوميكانى قالپىنا كەلتىرۋ جانە سالىقتىق اكىمشىلەندىرۋ ساپاسىن جاقسارتۋ كەزەڭىنە كەلگەنىن ايتتى.
جالپى, 2021 جىلدىڭ 9 ايىندا ءىرى سالىق تولەۋشىلەرگە 34 سالىقتىق تەكسەرۋ اياقتالدى. جۇرگىزىلگەن تەكسەرۋلەردىڭ ناتيجەلەرى بويىنشا 46,5 ملرد تەڭگە سالىقتار مەن ءوسىمپۇلدار قوسا ەسەپتەلدى.
