«مۇنداي شەشىمدى قابىلداۋ وڭاي سوققان جوق. كوماندامەن جۇمىس ىستەۋگە مۇمكىندىك بەرگەن ازاماتتارعا العىسىمدى ايتامىن. كلۋبتىڭ جانكۇيەرلەرىنە ريزامىن. ولار قاي كەزدە دە ءبىزدى قولداپ كەلەدى. ەڭ باستىسى, فۋتبولشىلارعا قۇرمەتىم بولەك. بارلىق كەزدەسكەن قيىندىقتارعا قاراماستان, ولار كاسىبي مىندەتىنە ۇقىپتى قارادى. بارلىقتارىڭىزعا ساتتىلىك», دەدى كوماندانىڭ ەكس باپكەرى قوشتاسۋ سوزىندە.
ۆاردان ميناسيان «تاراز» فۋتبول كلۋبىن وسى جىلدىڭ اقپان ايىنان باستاپ جاتتىقتىردى. قازاقستان پرەمەر-ليگاسى باستالماس بۇرىن كلۋب باسشىلىعى «تاراز» ۇزدىك التىلىقتان كورىنۋگە تىرىساتىنىن ايتقان بولاتىن. الايدا كوماندا پرەمەر-ليگانىڭ كەزەكتى ماۋسىمى اياقتالۋعا ءبىر تۋر قالعاندا تۋرنير كەستەسىندە ونىنشى ورىندا تۇر.
