«ەڭبەك» مەملەكەتتىك باعدارلاماسى بويىنشا بيىلعى جىلدىڭ 9 ايىندا 377 مىڭ ادام جۇمىسپەن قامتىلسا, ونىڭ 70%-ى تۇراقتى جۇمىسقا ورنالاستى. سونداي-اق 65 مىڭ ادام وقۋدان ءوتتى. جۇمىسپەن قامتۋدىڭ جول كارتاسى اياسىندا 29 مىڭ ادام ميكروكرەديتتەر مەن قايتارىمسىز گرانتتارعا يە بولدى. ونىڭ 25 مىڭنان استامى العاش رەت ءوز كاسىپتەرىن اشتى. سونىمەن قاتار قوسىمشا 8 مىڭعا جۋىق جاڭا جۇمىس ورىندارىن قۇردى», دەپ ءتۇسىندىردى مينيستر.
مينيستر مالىمەتىنشە, 5 500 ادام سولتۇستىك وڭىرلەرگە قونىس اۋداردى. جۇمىسقا قابىلەتتى جاستاعى قونىس اۋدارعانداردىڭ 78%-ى جۇمىسپەن قامتىلدى. باعدارلاماعا قاتىسۋشىلاردىڭ 39%-ى جاستار. 50%-ى ايەل ازاماتتار جانە وسى باعدارلاماعا قاتىسۋشىلاردىڭ نەگىزگى ۇلەسىن (53%) اۋىل تۇرعىندارى قۇراپ وتىر.
«بۇگىندە ەڭبەك باعدارلاماسى 83%-عا ورىندالىپ وتىر. اقمولا, قوستاناي, پاۆلودار, جامبىل وبلىستارىندا جانە نۇر-سۇلتان قالاسىندا بارلىق كورسەتكىش تولىعىمەن ورىندالدى. قالعان وڭىردەگى اكىمدىكتەر وسى باعىتتاعى جۇمىستارىن كۇشەيتۋى كەرەك», دەدى سەرىك شاپكەنوۆ ۇكىمەت وتىرىسىندا.
