مەديتسينا • 25 قازان، 2021

امسق: جۇكتى جانە بوسانعان ايەلدەرگە پايدالى شولۋ

185 رەت كورسەتىلدى

الەۋمەتتىك مەديتسينالىق ساقتاندىرۋ قورى جۇكتى جانە بوسانعان ايەلدەرگە پايدالى كەڭەس ازىرلەدى. الەۋمەتتىك مەديتسينالىق ساقتاندىرۋ قورىنىڭ ازاماتتاردىڭ وتىنىشتەرىن قاراۋ جونىندەگى ساراپشىسى، تاجىريبەلى دارىگەر باعداگۇل ابدىراسىلوۆا ايەلدەرگە جەڭىلدىگى بار مارتەبەنى قالاي الۋعا بولاتىنىن، ساقتاندىرۋسىز ەسەپكە تۇرۋ جولدارىن ءتۇسىندىرىپ، ولارعا قانداي مەديتسينالىق كومەك كورسەتىلەتىنىن ايتىپ بەردى.

زاڭ بويىنشا قۇقىلى

انا مەن بالانى قورعاۋ مەديتسينالىق كومەك كورسەتۋدىڭ باسىم باعىتى بولىپ سانالادى. جۇكتىلىك بارىسىن باقىلاۋ بولاشاق انانى قاجەتتى مەديتسينالىق قىزمەتتەرمەن قامتاماسىز ەتۋگە جانە جۇكتىلىكتى جۇرگىزۋ حاتتامالارىن ساقتاۋ­عا دا­رىگەرلەردىڭ عانا قاتىسۋىن تالاپ ەت­پەي­دى. جۇكتى ايەل دارىگەردىڭ ۇسى­نىس­تا­رى مەن نۇسقاۋلارىن مىندەتتى تۇردە ورىنداۋى ءتيىس.

«حالىق دەنساۋلىعى جانە دەنساۋلىق ساق­تاۋ جۇيەسى تۋرالى» كودەكستە جۇكتى ايەل­دىڭ قۇقىقتارى مەن مىندەتتەرى كور­سە­تىلگەن. بۇل – ەڭ الدىمەن، ايەلدىڭ ءوز دەن­ساۋلىعىن جانە ءالى تۋىلماعان با­لا­سىنىڭ دەنساۋلىعىن قورعاۋعا، جۇك­­تىلىك كەزىندە، بوسانۋ كەزىندە جانە ودان كەيىن مەديتسينالىق كومەك الۋعا قۇقىعى. ال جۇكتى ايەلدىڭ مىندەتى – دا­رى­گەر باقى­لا­ۋىندا بولۋ ءۇشىن دەر كە­زىندە ەسەپ­كە تۇرۋ»، دەپ اتاپ ءوتتى ب.ءابدى­را­سى­لوۆا.

جۇكتىلىكتىڭ العاشقى بەلگىلەرىن باي­قا­عان ساتتەن ايەل تۇرعىلىقتى جەرى بو­يىن­شا ەمحاناعا جۇگىنۋى قاجەت.

ەمحانانىڭ مەديتسينا قىزمەتكەرلەرى جۇك­تىلىك كەزىندە تەك مەديتسينالىق باقى­لاۋ جۇرگىزىپ قانا قويماي، پسيحو­پرو­فيلاكتيكالىق كومەك كورسەتۋ ارقىلى بولاشاق اناعا جاردەمدەسىپ، قولداۋى ءتيىس.

جۇكتى ايەلدى ەسەپكە قويۋ

سپيكەر اتاپ وتكەندەي، ايەل جۇكتىلىك­تىڭ 12 اپتاسىنا دەيىن مىندەتتى تۇردە ەمحاناعا بارىپ تىركەلۋى كەرەك. ەگەر ايەل رەسمي تۇردە جۇمىسقا ورنالاسقان بولسا، وندا زاڭ بويىنشا جۇمىس بەرۋشى ءوز قىزمەتكەرىنە تەكسەرىلۋ ءۇشىن جانە جۇك­تىلىگى بويىنشا مەديتسينالىق ەسەپكە تۇرۋ ءۇشىن ۋاقىت بەرۋى كەرەك. بۇل رەتتە ونىڭ جۇمىس ورنى، لاۋازىمى جانە ورتاشا جالاقىسى ساقتالادى. بۇل نورما كودەكستە قاراستىرىلعانىمەن، بارلىق ايەلدەر وزدەرىنىڭ قۇقىقتارى تۋرالى بىلە بەرمەيدى.

قانداي مەديتسينالىق كومەك كورسە­تىلۋى ءتيىس؟

«اكۋشەرلىك-گينەكولوگيالىق كومەك كورسەتۋ ستاندارتىندا (قر دسم №92 بۇي­رىعى) جۇكتى ايەلدىڭ مىندەتتى تەكسە­رىس­تەردەن ءوتۋى جانە گينەكولوگ، تەراپەۆت دارىگەرىنە نەمەسە باسقا دا بەيىندى ماماندارعا بارۋى قاراستىرىلعان. ەڭ باستىسى، جۇكتى ايەل ءاردايىم بايلانىستا بولۋى جانە اكۋشەرمەن نەمەسە گينەكولوگپەن حابارلاسىپ تۇرۋى شارت. جۇكتى ايەل اكۋشەر-گينەكولوگكە ءبىرىنشى رەت جۇگىنگەن كەزدە دارىگەر ءومىر تاريحىن، ياعني ونىڭ دامۋ تاريحىن جيناقتايدى: بالالىق شاقتا قانداي دا ءبىر سىرقاتتارى، وتالار بولدى ما، ونى ەمدەۋ ادىستەرى قالاي جۇرگىزىلدى جانە ت.ب. ايەل بارلىق ماعلۇماتتى، سونىڭ ىشىندە ەگەر بولعان جاعدايدا، الدىڭعى جۇكتىلىك تۋرالى ايتۋى كەرەك. مۇنىڭ ءبارى وتە ماڭىزدى»، دەيدى ب.ءابدىراسىلوۆا.

انامنەزدى تولىق جيناقتاعاننان كەيىن گينەكولوگ ناۋقاستىڭ جانە ونىڭ سەرىكتەسىنىڭ مەديتسينالىق دەرەكتەرىن زەرت­­تەي باستايدى. ايەلدىڭ جۇمىس جاع­دايى­،­ ­­­سونىمەن قاتار تەمەكى شەگۋ، ال­كوگول، ەسىرتكى نەمەسە باسقا دا پسيحو­اك­­ت­يۆتى زاتتار­دى قولدانۋ سياقتى زياندى ادەت­تەر­دىڭ بولۋ-بولماۋىنا دەيىن بار­لى­عىن انىقتاپ الادى.

جۇكتىلىك مەرزىمى بەلگىلەنگەننەن كەيىن ءبىرىنشى قابىلداۋدا اكۋشەر-گينەكولوگ جۇكتى ايەلدىڭ جەكە كارتاسىن رەسىمدەيدى جانە ونىڭ قولىنا جۇكتىلىكتى باقىلاۋ-قاداعالاۋ كارتاسىن بەرەدى. سونداي-اق مەديتسينالىق تەكسەرۋلەر تا­عايىن­دالادى، وعان مىندەتتى تۇردە مىنالار كىرەدى:

1) جۇكتى ايەلدى زەرتحانالىق تەكسەرۋ – جالپى سيپاتتا، ءارتۇرلى اۋرۋلاردى انىق­تاۋ ءۇشىن;

2) حروموسومالىق پاتولوگيا جانە قۇرساق­ىشىلىك ۇرىقتىڭ تۋا بىتكەن دامۋ اۋىت­قۋلارى (دامۋ كەمىستىكتەرى) بويىن­شا قاۋىپ توبىن انىقتاۋ ءۇشىن پرەنا­تال­دىق سكرينينگ;

3) فۋنكتسيونالدى تەكسەرۋلەر: ەلەكتروكارديوگرامما (ەكگ)، كورسەتىلىمدەر بويىنشا ەحوكارديوگرافيا (ەحوكگ)، بۇيرەكتىڭ ۋلترادىبىستىق زەرتتەۋى (ۋدز);

4) ستوماتولوگتىڭ كونسۋلتاتسياسى (جۇك­تى ايەلدەرگە شۇعىل جانە جوسپارلى ستو­­ماتولوگيالىق كومەك ءمامس جۇيە­سى­نىڭ قاتىسۋشىلارى رەتىندە تەگىن كورسە­تىلەدى) جانە كورسەتىلىمدەر بويىنشا – وتولارينگولوگ دارىگەردىڭ قاراۋى.

جۇكتىلىك بويىنشا ەسەپكە قويىل­عان­نان كەيىن كەلەسى قابىلداۋ كۇنى 10 كۇننەن اسپايتىن مەرزىمدە تاعايىندالادى.

جۇكتى ايەلدى باقىلاۋ-قاداعالاۋ جوسپارى

ەكىنشى قابىلداۋدا، جۇكتى ايەلدىڭ تەكسەرۋ ناتيجەلەرىن العاننان كەيىن گينەكولوگ قاۋىپ فاكتورلارىن ەسكەرە وتىرىپ، ونىڭ قاي توپقا جاتاتىنىن انىقتايدى جانە جۇكتىلىك پەن بوسانۋدى باقىلاۋدىڭ جەكە جوسپارىن جاسايدى، سونىمەن قاتار قوسىمشا تەكسەرۋ جۇرگىزەدى.

سونداي-اق ەكىنشى قابىلداۋدا جۇك­تىلىك­كە قارسى كورسەتىلىمدەردىڭ بولۋى نەمەسە بولماۋى انىقتالادى. قارسى كور­سەتىلىمدەر بولعان جاعدايدا، وندا جۇك­تىلىكتى توقتاتۋ تۋرالى ماسەلە مەدي­تسي­­نالىق كەڭەس بەرۋ كوميسسياسىنا جىبە­رىلەدى. سونىمەن قاتار ايەلگە بالا كوتە­رۋ­گە جانە ونىڭ تۋىلۋىنا بايلانىستى بار­لىق قاۋىپتەر تۇسىندىرىلگەننەن كەيىن، جۇ­ك­تى­لىكتى ۇزۋگە قاتىستى ءوزى شەشىم قا­بىل­­داۋعا قۇقىلى.

«جۇكتىلىكتى ەمحانانىڭ اكۋشەر-گينەكولوگ دارىگەرى تىركەيدى. مەديتسينالىق كورسەتىلىمدەرىن، سونداي-اق جۇكتى ايەلدىڭ جاعدايىن ەسكەرە وتىرىپ، ونى جۇكتىلىكتى جۇرگىزۋگە ارنالعان مامانداندىرىلعان ورتالىققا اۋىستىرۋى مۇمكىن. سونداي-اق ايەل دارىگەرلىك-كونسۋلتاتيۆتىك كو­ميس­سيانىڭ قورىتىندىسى بويىنشا نە­عۇر­لىم جەڭىلدەتىلگەن جۇمىسقا اۋى­سۋ­­عا قۇقىلى»، دەپ تۇسىندىرەدى باعداگۇل ىسقاققىزى.

سودان كەيىن، 30 اپتادا بولاشاق انا مىن­دەتتى تۇردە قايتا تەكسەرۋدەن ءوتۋى قا­جەت. ول قايتادان قاجەتتى ساراپتامالار تاپسىرادى. ءۇشىنشى تريمەستردە ۋلترا­دىبىستىق سكرينينگ جۇرگىزىلەدى.

ساراپشى اتاپ وتكەندەي، ەگەر ايەلدەن پاتولوگيا انىقتالاتىن بولسا، وندا ونىڭ دەنساۋلىعى مەن جۇكتىلىكتىڭ بارىسىن ەرەكشە باقىلاۋ ءۇشىن ايەلدەر كەڭەسىندە ءجيى بولۋى كەرەك.

سكرينينگ تۋرالى تولىعىراق

ءۇش رەتتىك ۋلترادىبىستىق سكرينينگ جۇرگىزىلەدى:

1) جۇكتىلىكتىڭ 11 اپتاسىنان 13 اپتا جانە 6 كۇنىنە دەيىنگى مەرزىمدە;

2) 19 اپتادان 21 اپتاعا دەيىن;

3) 30 اپتادان 32 اپتاعا دەيىن.

ەگەر ۋلترادىبىستىق سكرينينگ جۇر­گى­زۋ كەزىندە پرەناتالدى سكرينينگ­تىڭ ءبىرىنشى كەزەڭىندە:

- حروموسومالىق پاتولوگيانىڭ ۋل­ترا­­­دى­بىستىق ماركەرلەرى (بەلگىلەرى);

- ۇرىقتىڭ تۋا بىتكەن اقاۋلارى;

- ءبىرىنشى تريمەستردىڭ بىرىكتىرىلگەن تەستىن وتكىزگەننەن كەيىن ۇرىقتىڭ حرومو­سو­مالىق پاتولوگياسىنىڭ جوعارى جەكە گەنەتيكالىق قاۋپى (1:150 جانە ودان تومەن) انىقتالسا;

- نەمەسە جۇكتى ايەلدىڭ جاسى 37-دە، ال ونىڭ سەرىكتەسى 40 جاستا بولسا، وندا (كورسەتىلگەن فاكتورلاردىڭ ءبىرى بولعان كەزدە) جۇكتى ايەل جۇكتى­لىك­تى ۇزارتۋدىڭ ورىندىلىعى تۋرالى ما­سە­لەنى شەشۋ ماقساتىندا ۇرىق­قا ۋدز قايتا جۇرگىزۋ نەمەسە ينۆازيۆ­تىك پرە­ناتالدىق دياگنوس­تيكا جۇر­گىزۋ نە مۋلتيديستسيپلينارلىق پەرينا­تال­دىق كونسيليۋم جۇرگىزۋ ءۇشىن كورسە­تى­لىم­­دەردى انىقتاۋ بويىنشا گەنەتيككە پرەنا­تالدىق سكرينينگتىڭ ەكىنشى كەزە­ڭى­نە جىبەرىلەدى.

اكۋشەر قانداي مەديتسينالىق كومەك كورسەتە الادى؟

اكۋشەر دارىگەردىڭ قاتىسۋىن قاجەت ەتپەيتىن مىناداي مەديتسينالىق كومەك كورسەتەدى:

1) پاتسيەنتتىڭ دەنساۋلىق جاعدايىن انىق­تاۋ ءۇشىن قابىلداۋ جانە مەدي­تسي­نا­لىق تەكسەرۋ، جۇكتىلىكتىڭ اۋرۋلارى مەن اسقىنۋلارىن انىقتاۋ;

2) جۇكتى ايەلدەرگە، بوسانعان ايەل­دەر­گە جانە فەرتيلدى جاستاعى ايەل­دەرگە ولاردىڭ ءومىرى مەن دەنساۋ­لى­عى­نا قاۋىپ توندىرەتىن جاعدايلاردا كەزەك كۇت­تىرمەيتىن جانە شۇعىل مەديتسينالىق كومەك;

3) سوزىلمالى اۋرۋلارى بار جۇكتى ايەلدەردى ۋچاسكەلىك دارىگەرلەرمەن جانە بە­يىندى ماماندارمەن بىرلەسىپ دينا­مي­كا­لىق باقىلاۋ;

4) اكۋشەر-گينەكولوگ دارىگەردىڭ تاعا­يىن­داۋلارىن ورىنداۋ;

5) باعىتتار مەن ۇسىنىمدار بەرە وتى­رىپ، امبەباپ-پروگرەسسيۆتىك مودەل نەگىزىندە جۇكتى ايەلدەر مەن بوسانعان ايەلدەردىڭ فيزيولوگيالىق جۇكتىلىگىن جانە پاتروناجىن ءوز بەتىنشە جۇرگىزۋ;

6) جۇكتى ايەلدەرگە، بوسانعان ايەل­دەر­گە، گينەكولوگيالىق ناۋقاستارعا جانە الەۋمەتتىك قاۋپى بار ۇرپاقتى بولۋ جاسىنداعى ايەلدەر توبىنا ۇيدە مەدي­تسينالىق قىزمەت كورسەتۋ، جۇك­تى­لىكتىڭ 12 اپتاسى مەن 32 اپتاسىنا دەيىن­گى مەرزىمدە جۇكتى ايەلدى امبەباپ (مىندەتتى) پاتروناجدىق باقىلاۋ، جۇكتى ايەلدەردى پاتروناجدىڭ امبەباپ-پرو­گرەس­سيۆتى مودەلىنىڭ سحەماسى بويىنشا ولاردىڭ ومىرىنە، دەنساۋلىعىنا جانە قا­ۋىپ­سىزدىگىنە قاتەر توندىرەتىن مە­دي­تسي­نالىق نەمەسە الەۋمەتتىك سيپاتتاعى تاۋەكەلدەر انىقتالعان جۇكتى ايەلدەردى پروگرەسسيۆتى قاراۋ نەمەسە پاتروناجدىق باقى­لاۋ;

7) وتباسىن جوسپارلاۋ جانە رەپرو­دۋك­تيۆتى دەنساۋلىعىن قورعاۋ ماسەلەلەرى بو­يىنشا كونسۋلتاتسيا بەرۋ.

ەگەر جۇكتى ايەل تاعايىندالعان كۇن­نەن باستاپ ءۇش كۇن ىشىندە قابىلداۋعا كەلمەسە، وندا اكۋشەر نەمەسە ۋچاسكەلىك مەدبيكە وعان پاتروناجعا بارۋى ءتيىس.

ەگەر جۇكتى ايەل ورتاشا قاۋىپ-قاتەرگە دۋشار بولسا (ونىڭ ىشىندە ەمشەك سۇتىمەن بايلانىستى پروبلەمالار، گيگيەنالىق داعدىلارعا قاتىستى قيىندىقتار)، اكۋشەر/ۋچاسكەلىك مەدبيكە ءوز بەتىنشە نەمەسە ۋچاسكەلىك دارىگەرمەن بىرىگىپ جۇمىس ىستەيدى.

بىراق ەگەر دە ايەل الەۋمەتتىك سۇيە­مەل­دەۋدى قاجەت ەتەتىن جوعارى تاۋە­كەل توبىنا كىرەتىن بولسا (قاتىگەز­دىك، زورلىق-زومبىلىق، ايەلدىڭ مۇگەدەكتىگى)، مالىمەتتەر الەۋمەتتىك قىزمەتكەرگە، پسيحولوگكە جانە قاجەت بولعان جاعدايدا ءتيىستى مەكەمەلەرگە ء(بىلىم بەرۋ، الەۋ­مەت­تىك قورعاۋ، ىشكى ىستەر، جەرگىلىكتى اتقا­رۋ­شى ورگاندار، ۇكىمەتتىك ەمەس ۇيىمدار) بەرىلەدى.

پەرزەنتحاناعا جولداما

جۇكتىلىك بويىنشا ەسەپكە قويىلعان ساتتەن باستاپ ايەل بوسانۋعا بايلانىستى دايىندىق مەكتەبىنە بارا الادى. بۇل وعان بولاشاق انا رەتىندە قاجەتتى داعدىلاردى يگەرۋگە كومەكتەسەدى.

جۇكتى جانە بوساناتىن ايەلدەردى پەر­زەنتحاناعا جىبەرۋ پەريناتالدىق كومەكتىڭ ايماقتىق دەڭگەيىن ەسكەرە وتىرىپ (مەديتسينالىق كورسەتىلىمدەر بويىنشا)، جۇكتىلىكتىڭ 37 اپتاسىنان باستاپ «ەمدەۋگە جاتقىزۋ بيۋروسى» پور­تالىنىڭ كۇتۋ پاراعىندا تىركەلەدى. بۇل دەگەنىمىز، ەگەر ايەلدە جۇكتىلىك قا­لىپتى جاعدايدا بولسا، وندا ول جا­قىن ماڭداعى پەرزەنتحاناعا بوسانۋعا جىبەرىلەدى. الايدا جۇكتىلىك كەزىندە اسقىنۋلار بولعان جاعدايدا، وندا انانى مامانداندىرىلعان ورتالىقتاردا بوساندىرادى. جۇكتى ايەلدى اۋرۋحاناعا جاتقىزۋ ءۇشىن كەزەككە قويادى، ال ونىڭ سوڭعى كۇنى بوسانۋدىڭ باس كەزىندە انىق­تال­ادى.

«ايەل پەرزەنتحانانى وزدىگىنەن تاڭ­داي الا ما دەگەن سۇراق ءجيى قويىلادى. ءيا، ەگەر جوسپارلانعان بوسانۋ نەمەسە جوسپارلانعان كەسار تىلىگى تۋرالى ايتاتىن بولساق، انا پەرزەنتحانانى ءوزى تاڭداي الادى»، دەيدى باعداگۇل ىسقاققىزى.

ال ەگەر ساقتاندىرىلماعان بولسا شە؟

ەڭ الدىمەن، جۇمىس ىستەيتىن ايەل­دەر ءۇشىن جارنا – ولاردىڭ جالاقى مول­شەرىنىڭ 2%-ى تۇسەدى. ياعني جۇ­مىس بەرۋشى جۇمىسكەرى ءۇشىن سالىق سالىناتىن كىرىستىڭ 2%-ى مولشەرىندە جارنا اۋدارادى.

دەكرەتتىك دەمالىسقا شىققاننان كەيىن ايەل تابىسىن الۋدى توقتاتادى جانە ول ءۇشىن ەندى جۇمىس ورنىنان زەي­نەت­اقى، الەۋمەتتىك اۋدارىمدار تۇس­پەيدى. وسىعان وراي، «جۇمىس ىستە­مەي­تىن جۇكتى ايەل» جەڭىلدىك ساناتىنا قوسىلا الادى. سول ۋاقىتتا مەملەكەت ول ءۇشىن ءمامس-كە جارنا تولەيدى.

«ايەل جۇكتىلىك بويىنشا ەسەپكە تۇرادى جانە ول تۋرالى دەرەكتەر جۇكتى جانە فەرتيلدى جاستاعى ايەلدەردىڭ تىر­كە­لىمىنە ء(ججفجات) ەنگىزىلەدى. وسى­­دان كەيىن تولەم جۇيەلەرىنە ول ءۇشىن مىندەتتى تولەمدەردىڭ – زەينەتاقى جارنالارى مەن الەۋمەتتىك اۋدارىمداردىڭ بولۋىن تەكسەرۋگە سۇراۋ سالۋ جىبەرىلەدى. ەگەر تولەمدەردىڭ بولماۋى راستالسا، وندا «ساقتاندىرىلعان» مارتەبەسى ءۇش جۇمىس كۇنى ىشىندە اۆتوماتتى تۇردە بەرىلەدى. بۇل رەتتە، جۇمىس ىستەمەيتىن جۇكتى ايەل جەڭىلدىگى بار ساناتتا بولعان كەزدە، ەگەر ونىڭ وتكەن كەزەڭدەر ءۇشىن بەرەشەگى بولسا، ونى وتەۋدىڭ قاجەتى جوق. بىراق ول جەڭىلدىك مارتەبەسىن جوعالتسا، وندا مىندەتتى الەۋمەتتىك مەديتسينالىق ساقتاندىرۋ جۇيەسىندە مەديتسينالىق قىزمەتتەردى پايدالانۋ ءۇشىن قارىزدى وتەپ، ءمامس-كە ۇنەمى جارنا تولەۋدى جالعاستىرۋى كەرەك»، دەپ تۇسىندىرەدى ساراپشى.

الايدا ايەلدەردىڭ جەڭىلدىك مار­تە­بەسىن جوعالتقان جاعدايلارى كەز­دەسەدى.

«جەڭىلدىگى بار ساناتتاعى ايەلدەر جەكە سەبەپتەرى بويىنشا بىرىڭعاي جيىن­تىق تولەمدى (بجت) تولەيتىن جاع­داي­لار ءجيى كەزدەسەدى. الايدا بۇل تولەم زەينەتاقى مەن الەۋمەتتىك اۋدارىمداردى دا قامتيدى. سوندىقتان اقپاراتتىق جۇيە وسى تۇسىمدەر تۋرالى اقپارات الا وتىرىپ، اۆتوماتتى تۇردە ايەلدى جۇمىس ىستەيتىن ادام رەتىندە تانيدى. بۇل ساقتاندىرىلعان تۇلعانىڭ جەڭىلدىگى بار مارتەبەسىن جوعالتۋىنا اكەلىپ سوعادى. قور مەكەنجايىنا وسىنداي جاعدايعا تاپ بولعان جانە ولارعا ءمامس جۇيەسىندە ساقتاندىرۋدىڭ جەڭىلدىك مارتەبەسىن قايتارۋدى تالاپ ەتەتىن ايەل­دەر­دەن وتىنىشتەر ءجيى تۇسەدى. ەگەر ەكى اي ىشىندە ولار ءۇشىن مىندەتتى تولەمدەر تۇسپەسە، بۇنى قالىپقا كەلتىرۋگە بولادى، ياعني جۇمىس ىستەمەيتىن جۇكتى ايەلدەر رەتىندە مەملەكەتتىڭ جارنالارى ەسەبىنەن قايتادان ساقتاندىرىلاتىن بولادى»، دەپ ءتۇسىندىردى وسى جايتتاردى قوردىڭ بايلانىس ورتالىعى باسقارماسىنىڭ باسشىسى داستان سەرىكباەۆ.

ەمحاناعا بارار الدىندا ءمامس مار­تەبەسىنىڭ بولۋىن ناقتىلاپ الۋ ما­ڭىز­دى. گينەكولوگتىڭ كونسۋلتاتسياسى جوس­پارلى تۇردە ءمامس پاكەتىنە ەنگىزىلگەن مەديتسينالىق قىزمەت­تەر تىزبەسىنە كىرەدى. ساقتان­دىرىلعان ايەل ۋچاسكەلىك گينە­كو­لوگتىڭ قابىلداۋىنا جالپى پراكتيكا دارىگەرىنىڭ جولداماسىنسىز جازىلا الادى. مەديتسينالىق ساقتاندىرۋ جۇيە­سىندە مارتەبە بولماعان جاع­داي­دا، ونى جالپى پراكتيكا دارى­گە­رى قاراعاننان كەيىن اكۋشەر ءججفجات-عا قوسۋى ءتيىس. بۇل قىزمەتتەر تەگىن مەديتسينالىق كومەكتىڭ كەپىلدىك بەرىلگەن كولە­مى شەڭبەرىندە كورسەتىلەدى، ياعني ساق­ت­اندىرىلماعاندار ءۇشىن قول­جەتىمدى.

ب.ءابدىراسىلوۆا اتاپ وتكەندەي، مەم­لەكەت تابىسى جوق ايەلدەرگە تەك بو­سانعانعا دەيىن عانا ەمەس، ودان كەيىن دە قام­­قورلىق جاسايدى – بالا تۋىل­­­عان­نان كەيىن ء«ۇش جاسقا تولعانعا دەيىن با­لاعا (بالالارعا) كۇتىم جاسايتىن جۇ­مىس ىستەمەيتىن ادامدار» ساناتىندا ساقتاندىرىلۋدىڭ جەڭىلدىكتى مار­تە­­­بەسىن الۋعا قۇقىق بەرەدى. جەڭىلدىك بە­رىلگەن سانات بويىنشا مەملەكەت تارا­پى­نان ساقتاندىرىلىپ، ايەل ءمامس تىز­بەسىنە كىرەتىن بارلىق مەديتسينالىق قىز­مەتتەرگە قول جەتكىزە الادى.

 

دايىنداعان

دۋمان اناش،

 «Egemen Qazaqstan»

سوڭعى جاڭالىقتار

ۇقساس جاڭالىقتار