اق جەلەڭدى ابزال جاندار ءۇمىتىمىزدى اقتادى, العىسىمىز شەكسىز

«اۋرۋ كارىگە دە, جاسقا دا قارامايدى» دەگەن راس ەكەن. وتكەن جىلدىڭ جەلتوقسان ايىندا 15 جاستاعى بالامىز اسحاتتىڭ جۇرەگى اۋىرىپ وبلىستىق كارديولوگيالىق ورتالىققا تۇسكەن ەدى. وعان بالالار اراسىندا كوپ كەزدەسپەيتىن, وتاسىز جازىلمايتىن وتە كۇردەلى دياگنوز قويعاندا تىپتەن قينالىپ قالدىق. ورتالىقتاعى دارى­گەر­لەردىڭ قانداي ىجداعا­ت­تى­لىق­پەن بالا­مىز­دىڭ اۋ­رۋىن انىقتاپ, جان-ءتانىن سا­لىپ ەمدەپ, رەسپۋبليكالىق كار­ديو­ور­تا­لىقپەن بايلانىس جاساي وتىرىپ, تەز ارادا ەلور­داعا جەتكىزۋدىڭ شارالارىن قا­راس­تىردى. وسى ورايدا, اتالمىش كار­ديو­ورتالىقتىڭ باس دارىگەرى اق­تىلەك ومىر­­باەۆقا, قابىلداۋ بول­مەسىنىڭ مەڭ­گە­رۋشىسى ەلميرا سۇيەۋعازيەۆا, ەم­دەۋشى دارىگەرى گۇل­مايرا اسەتوۆا, باسقا دا وسى ورتالىقتىڭ بارلىق دارىگەرلەرى مەن مەدبيكەلەرىنە العى­سىمىز شەك­سىز ەكەنىن بىلدىرە كەتسەك دەي­مىز. دەر كەزىندە ساناۆياتسيا شا­قىرتىپ, بالامىزدى استا­ناداعى جەتىك ما­مان­داردىڭ قولىنا تاپ­سىرۋعا وبلىستىق دەنساۋلىق ساقتاۋ باسقارماسىنىڭ باستىعى كابيبوللا يرمەنوۆ ەرەكشە ۇلەس قوستى. ەلىمىزدىڭ مەديتسينا سا­لا­سى­نىڭ شىن مانىندە دامى­عا­نىن, دارىگەر­لەرىمىز بەن حيرۋرگتارىمىزدىڭ شە­تەل­دىك مامانداردان بىردە-ءبىر كەم ەمەس ەكەنىنە وسى جولى كوزىمىز ابدەن جەتتى. بىلگىر مامان, ەڭبەك ەرى يۋري پيا باسقارىپ وتىرعان ۇلتتىق عىلى­مي كارديولوگيالىق ور­تا­لىق ماق­تا­نۋعا تۇرارلىق ەكەن. بار­­لىق جاعداي جاسالعان. ما­ماندارى وتە بىلگىر جانە سونداي قايىرىمدى دا قا­راپايىم. اسىرەسە, ەمدەۋشى دارى­گەرى ليۋد­ميلا مامەجانوۆا, اريتمو­لو­گيا ءبولىمىنىڭ مەڭگەرۋشىسى ايان اب­دراح­مانوۆ جانە شالقار سماعۇلوۆ بىر­نەشە شاعىن, ءبىر كۇردەلى وتا جاسادى. بالامىز ساۋىعىپ, قولىمىزعا كەلدى.  ا.مۇحامەدراحيموۆا.  باتىس قازاقستان وبلىسى, تەرەكتى اۋدانى.