مينيستر 2020 جىلعى 30 قىركۇيەكتە قورداعى جەرلەردى ەرەكشە قورعالاتىن تابيعي اۋماقتارعا اۋىستىرۋ ءتارتىبىن رەتتەيتىن زاڭ قابىلدانعانىن ەسكە سالدى.
«اتالعان زاڭنىڭ قابىلدانۋى كوكجايلاۋ جوباسىنىڭ جەرلەرىن ىلە-الاتاۋ ۇلتتىق پاركىنىڭ قۇرامىنا قايتارۋعا نەگىز بولدى. بۇگىندە جەر كولەمى شامامەن 1000 گەكتاردى قۇرايدى, قازىرگى ۋاقىتتا ىلە-الاتاۋ ۇلتتىق پاركىنە جەر بەرۋ تۋرالى ۇكىمەت قاۋلىسىنىڭ جوباسى ازىرلەنۋدە», دەدى مينيستر ورتالىق كوممۋنيكاتسيالار قىزمەتىندە وتكەن بريفينگتە.
ءمينيستردىڭ ايتۋىنشا, قاۋلى جوباسىن كەلىسۋ جانە ونى بەكىتۋ ءراسىمى شامامەن ءبىر ايعا سوزىلادى, ال كوكجايلاۋدى ىلە-الاتاۋ ۇلتتىق پاركىنىڭ قۇرامىنا قايتارۋ پروتسەسى جىل سوڭىنا دەيىن اياقتالماق.
