وقيعا • 25 قازان، 2021

قاراعاندى اكىمدىگىندەگى جۇمىسشىنىڭ ءولىمى: سوت ۇكىمى جاريالاندى

117 رەت كورسەتىلدى

قاراعاندى قالاسى اكىمدىگى شارۋاشىلىق ءبولىمىنىڭ باسشىسى ەكى جىلعا سوتتالدى. ول اكىمدىك عيماراتىنىڭ ءتورتىنشى قاباتتاعى تەرەزەسىنەن قۇلاپ كەتكەن جۇمىسشىنىڭ ولىمىنە كىنالى رەتىندە تانىلدى، دەپ حابارلايدى Egemen.kz.

قايعىلى وقيعا بيىلعى 19 ساۋىردە بولعان ەدى. قاراعاندى قالاسى اكىمدىگىنىڭ ءتورتىنشى قاباتىندا سلەسار جوندەۋ جۇمىستارىن باستاماقشى بولعان. ول الدىمەن قاۋىپسىزدىك بەلبەۋىن تاعىپ، تەرەزەنىڭ الدىنا شىعا بەرگەندە، اياعى تايىپ كەتكەن. الايدا جۇمىسكەردىڭ قاۋىپسىزدىك بەلبەۋى ءۇزىلىپ كەتىپ، ول جەرگە قۇلاعان. العان جاراقاتىنان قازا بولدى.

وسى ءىس بويىنشا قازىبەك بي اۋداندىق سوتى جۇمىسشىعا ساپاسىز ساقتاندىرۋ تروسىن بەرگەنى ءۇشىن قالالىق اكىمدىكتىڭ شارۋاشىلىق ءبولىم مەڭگەرۋشىسىن كىنالى دەپ تاپتى.

«قىلمىستىق ءىس سوتقا پروتسەسسۋالدىق كەلىسىممەن كەلىپ ءتۇستى. سوتتالۋشىعا قر قك-ءنىڭ 156-بابى 3-بولىگى «ابايسىزدا ادام ولىمىنە اكەپ سوققان قاۋىپسىزدىك تەحنيكاسى ەرەجەلەرىن بۇزۋ» بويىنشا ايىپ تاعىلدى. وعان 2 جىل باس بوستاندىعىن شەكتەۋ جازاسى تاعايىندالدى»، دەپ حابارلادى قازىبەك بي اۋداندىق سوتىنان.

 

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار