ءىس-شارانى قازاقستان رەسپۋبليكاسىنىڭ يۋنەسكو جانە يسەسكو ىستەرى جونىندەگى ۇلتتىق كوميسسياسىنىڭ قاتىسۋىمەن, قر مادەنيەت جانە سپورت مينيسترلىگىنىڭ, قازاقستان, قىرعىزستان, تاجىكستان جانە وزبەكستان بويىنشا الماتىداعى يۋنەسكو كلاستەرلىك بيۋروسىنىڭ قولداۋىمەن قالا اكىمدىگى ۇيىمداستىرىپ وتىر.
كەزدەسۋگە ورتالىق ازيا ەلدەرىنىڭ بەلگىلى تاريحشىلارى مەن ارحەولوگتارى, مادەنيەت جانە سپورت مينيسترلىگىنىڭ ساراپشىلارى, Auezov University عالىمدارى قاتىسىپ, قالامىزدىڭ ۇلى جىبەك جولى تاريحىنداعى ءرولىن, ونىڭ ورتالىق ازيا كارتاسىنداعى بىرەگەيلىگىن جانە شىمكەنتتىڭ تاريحي نىساندارىن يۋنەسكو-نىڭ دۇنيەجۇزىلىك مۇرا تىزىمىنە ەنگىزۋ مۇمكىندىگىن تالقىلايدى.
ءىس-شارانىڭ اشىلۋ سالتاناتىنا شىمكەنت قالاسىنىڭ اكىمى مۇرات ايتەنوۆ, مادەنيەت جانە سپورت ۆيتسە-ءمينيسترى نۇرعيسا داۋەشوۆ, الماتىداعى يۋنەسكو كلاستەرلىك بيۋروسىنىڭ ديرەكتورى كريستا پيككات, قر يۋنەسكو جانە يسەسكو ىستەرى جونىندەگى ۇلتتىق كوميسسياسىنىڭ باس حاتشىسى ءاليا بايساباەۆا, «جىبەك جولى» جوباسىنىڭ ۇيلەستىرۋشىسى, يۋنەسكو دۇنيەجۇزىلىك مۇرا ورتالىعىنىڭ ازيا-تىنىق مۇحيتى سەكتورىنىڭ باسشىسى فەنگ دجينگ قاتىسىپ, قۇتتىقتاۋ ءسوز سويلەدى.
جيىندا قازاق, ورىس جانە اعىلشىن تىلىنە اۋدارما جۇرگىزىلۋدە.
بۇگىن «شىمكەنت قالاسىنىڭ تاريحي رەتروسپەكتيۆاسى جانە بولاشاعى», «جىبەك جولىنىڭ تاريحي مادەني كەڭىستىگىندەگى شىمكەنت» جانە «شىمكەنت قالاسىنىڭ ارحەولوگياسى, ەتنوگرافياسى, مۋزەيتانۋى ماسەلەلەرى» تاقىرىپتارىندا ءۇش پلەنارلىق سەسسيا وتەدى.
26 قازان كۇنى فەرعانا-سىرداريا سەگمەنتىندەگى كوپ ۇلتتى جىبەك جولى نوميناتسياسى ساراپشىلارىنىڭ كەزدەسۋى جانە شىمكەنت اۋماعىنداعى نىسانداردى يۋنەسكو-نىڭ دۇنيەجۇزىلىك مۇرالار تىزىمىنە ەنگىزۋ بويىنشا ۆەبينار جوسپارلانعان. ونىڭ ناتيجەسى بويىنشا ساراپتامالىق قورىتىندىلار مەن نىسانداردى بەدەلدى تىزىمگە ەنگىزۋ بويىنشا ۇسىنىستار جاسالادى.
ايتا كەتسەك, جيىنعا قاتىسۋشىلار «شىمقالا» تاريحي-مادەني كەشەنىنە بارىپ, مۋزەيلەندىرۋ, كونسەرۆاتسيالاۋ جانە رەنوۆاتسيالاۋ جۇمىستارىمەن, ەسكى قالانى دامىتۋ جوباسىمەن تانىستى. سونىمەن قاتار, قوناقتار «بەس قارۋ» ەتنوفەستيۆالىنىڭ اشىلۋىنا قاتىسىپ, سۋرەتشى سايد اتابەكوۆتىڭ قارۋ-جاراق كورمەسى مەن فوتوەكسپوزيتسياسىن تاماشالادى.
