قوعام • 25 قازان، 2021

جول ەرەجەسىن بۇزۋدىڭ 44 پايىزى بەينەباقىلاۋ ارقىلى انىقتالعان

72 رەت كورسەتىلدى

ەلىمىزدە جول قوزعالىسى ەرەجەسىن بۇزۋدىڭ 44 پايىزى بەينەباقىلاۋ كامەراسىنىڭ كومەگىمەن انىقتالىپ جاتىر. بۇل تۋرالى قر ىشكى ىستەر ءمينيسترىنىڭ ورىنباسارى ساكەن سارسەنوۆ ءمالىم ەتتى، دەپ حابارلايدى Egemen.kz.

«جول قوزعالىسى ەرەجەسىنىڭ ساقتالۋىن قاداعالاۋ سالاسىنا دا تسيفرلاندىرۋ ەنگىزىلىپ جاتىر. مىسالى، ەل بويىنشا جولداردا 13 مىڭنان استام بەينەباقىلاۋ كامەراسى ورناتىلعان. ولار جول ەرەجەسىنىڭ بۇزىلۋىن اۆتوماتتى تۇردە انىقتايدى. بۇگىندە ەرەجە بۇزۋ فاكتىلەرىنىڭ 44 پايىزى بەينەباقىلاۋ كامەراسىنىڭ كومەگىمەن انىقتالىپ وتىر. جول بويىنا بەينەباقىلاۋ ورناتۋ جول قوزعالىسى ءتارتىبىن رەتتەپ قانا قويماي، جول-كولىك اپاتىنىڭ الدىن الۋعا سەپتىگىن تيگىزەدى. سونىمەن قاتار پوليتسيا قىزمەتكەرىمەن تىكەلەي بايلانىسۋدىڭ قاجەتى جوق»، دەدى ساكەن سارسەنوۆ وكق-دە وتكەن ءباسپاسوز ءماسليحاتىندا.

ونىڭ ايتۋىنشا، بەينەباقىلاۋ كامەرالارى جول بويىندا بولۋى مۇمكىن باسقا دا زاڭبۇزۋشىلىقتاردى انىقتاۋعا مۇمكىندىك بەرەدى.

«مىسالى، جول بويىندا بەينەباقىلاۋ كامەرالارىن ورناتۋدىڭ ناتيجەسىندە 2019-2020 جىلدارى تۇركىستان وبلىسىندا جول-كولىك وقيعاسى سانىن 21،6%-عا ازايتۋعا مۇمكىندىك بەردى (579-دان 454-كە دەيىن ازايدى). قازىرگى ۋاقىتتا وڭىرلىك پوليتسيا دەپارتامەنتتەرى جول-كولىك وقيعالارىنا تالداۋ جاساپ، كولىك اپاتى ءجيى بولاتىن ياعني قاۋىپتى ايماقتاردى انىقتاپ جاتىر. انىقتالعان سوڭ ول جەرلەرگە جەرگىلىكتى اتقارۋشى ورگاندارمەن بىرلەسىپ بەينەباقىلاۋ كامەراسىن ورناتۋ ماسەلەسى شەشىلەدى»، دەيدى ول.

سوڭعى جاڭالىقتار

ۇقساس جاڭالىقتار