قوعام • 25 قازان، 2021

مينيستر VIP نومىرلەردىڭ ءتىزىمىن كەڭەيتۋدى ۇسىندى

90 رەت كورسەتىلدى

تسيفرلىق دامۋ، يننوۆاتسيا جانە اەروعارىش ونەركاسىبى ءمينيسترى باعدات مۋسين اۆتوكولىككە اقشاعا ساتىپ الۋعا بولاتىن ادەمى نومىرلەر ءتىزىمىن كەڭەيتۋدى ۇسىندى، دەپ حابارلايدى Egemen.kz.

«ىشكى ىستەر مينيسترلىگىمەن بىرگە سۇرانىستى كوبەيتۋ ماسەلەسىن پىسىقتادىق، ونى زاڭنامالىق تۇردە بەكىتۋ قاجەت. وسىعان بايلانىستى قولداۋ سۇراعىم كەلەدى. بەلگىلى ءبىر نومىرلەر بار، مىسالى، 777. ونى بيۋدجەتكە اقىسىن تولەۋ ارقىلى ساتىپ الۋعا بولادى. سونداي-اق ءالى رەتتەلمەگەن مەملەكەتتىك نومىرلەر بار، ولاردىڭ ءتىزىمىن زاڭمەن بەكىتكىمىز كەلەدى، وسىلايشا، ولاردى دا ساتۋ مۇمكىن بولادى»، دەدى مۋسين ماجىلىستەگى ۇكىمەت ساعاتىندا.

ول ءماجىلىس دەپۋتاتتارىنان مينيسترلىكتەر باستاماسىن قولداۋدى سۇرادى.

سونداي-اق مۋسين اۆتوكولىككە قاتىستى ماسەلەلەردە مەملەكەتتىك قىزمەتتەردى كورسەتۋدىڭ بىرىڭعاي نۇكتەسى رەتىندەگى ەلەكترون ۇكىمەت جەتىستىگى تۋرالى ايتتى.

«تانىمال پلاتفورمالار ارقىلى قىزمەت كورسەتۋ بويىنشا جۇمىستار جۇرگىزىلىپ جاتىر. مىسالى، كولىكتەردى قوسىمشالار ارقىلى تىركەۋ پروتسەستى ايتارلىقتاي وڭتايلاندىرۋعا جانە اۆتوماتتاندىرۋعا، سونىمەن قاتار تۇرعىنداردىڭ ۋاقىتى مەن شىعىندارىن ۇنەمدەۋگە سەپتىگىن تيگىزدى. قىزمەت الۋ ءۇشىن نىسانعا بارۋدىڭ قاجەتى جوق. بۇل تاسىلدەر كارانتين شارالاردى ەسكەرسەك، ماڭىزدى سانالدى»، دەدى مينيستر.

ول قاڭتاردا كولىك قۇرالدارىن تىركەۋ جانە قايتا تىركەۋ بويىنشا 4 مىڭ ترانزاكتسيا بولعانىن، ونىڭ 5 پايىزى عانا ونلاين رەجيمدە جاسالعانىن ءتۇسىندىردى. قىركۇيەكتىڭ وزىندە قازاقستاندىقتار كولىكتەردى تىركەۋ جانە قايتا تىركەۋ بويىنشا 167 مىڭ ترانزاكتسيا جاساعان، ونىڭ ىشىندە ونلاين تىركەۋ ۇلەسى 36 پايىزعا دەيىن وسكەن.

ء«بىز قىزمەتتەردى Kaspi.kz، Homebank.kz جانە ت.ب. تانىمال پلاتفورمالارعا كوشىرۋ ءوز اسەرىن تيگىزەتىنىن كورسەتتىك. ەڭ تانىمال قىزمەتتەرگە نازار اۋداردىق»، دەپ قوستى ول.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار