ەكونوميكا • 25 قازان، 2021

قازاقستاندىقتاردىڭ زەينەتاقى جيناعى 5 پايىزعا ءوستى

133 رەت كورسەتىلدى

قازاقستاندىقتاردىڭ زەينەتاقى جيناقتارى 13 تريلليون تەڭگەدەن استى. بجزق 2021 جىلدىڭ 1 قازانىنا الدىن الا ناتيجەنى جاريالادى، دەپ حابارلايدى Egemen.kz.

2021 جىلدىڭ 1 قازانىنداعى جاعداي بويىنشا، بىرىڭعاي جيناقتاۋشى زەينەتاقى قورى سالىمشىلارىنىڭ شوتتارىندا 13،1 تريلليون تەڭگەدەن اسا زەينەتاقى جيناقتارى قالىپتاستى. 1.10.2020 جىلدان باستاپ 1.10.2021 جىلعا دەيىنگى ءبىر جىل ىشىندە زەينەتاقى جيناقتارىنىڭ سوماسى 569،5 ميلليارد تەڭگەگە نەمەسە 5 پايىزعا ءوستى.

زەينەتاقى جيناقتارىنىڭ نەگىزگى سوماسى مىندەتتى زەينەتاقى جارنالارى (مزج) ەسەبىنەن جيناقتالعان، ونىڭ مولشەرى 12،7 تريلليون تەڭگە (سوڭعى 12 ايداعى ءوسىم – 4 پايىز). مىندەتتى كاسىپتىك زەينەتاقى جارنالارى (مكزج) بويىنشا زەينەتاقى جيناقتارىنىڭ سوماسى 349،5 ميلليارد تەڭگە ء(وسىم – 16 پايىز)، ال ەرىكتى زەينەتاقى جارنالارى (ەزج) بويىنشا زەينەتاقى جيناقتارىنىڭ سوماسى 1،6 ميلليارد تەڭگەگە جەتكەن.

سالىمشىلار جارناسىنان باسقا، زەينەتاقى جيناقتارىنىڭ ايتارلىقتاي ءوسۋى 2021 جىلعى 1 قاڭتار ايىنان 1 قازانىنا دەيىن 1 تريلليون تەڭگەدەن اسا تازا ينۆەستيتسيالىق تابىستىڭ ارقاسىندا قامتاماسىز ەتىلگەن. بۇل جەمىستى بولعان بىلتىرعى كورسەتكىشتەن اسىپ ءتۇستى، ناقتىراق ايتقاندا، 1 پايىز نەمەسە 7 ميلليارد تەڭگەگە ارتىق. قازاقستان رەسپۋبليكاسى ۇلتتىق بانكىنىڭ باسقارۋىمەن بجزق زەينەتاقى اكتيۆتەرى بويىنشا كىرىستىلىك جىل باسىنان بەرى 8،89 پايىز، ال ينفلياتسيا 6،2 پايىز بولعان. بۇل رەتتە سوڭعى 12 ايداعى كىرىستىلىك – 10،08 پايىز، وسى كەزەڭدەگى ينفلياتسيا – 8،9 پايىزدى كورسەتكەن.

بجزق-داعى جەكە زەينەتاقى شوتتارىنىڭ سانى 2021 جىلعى 1 قازانداعى جاعداي بويىنشا 11،7 ميلليون بىرلىككە تەڭ. شوتتاردىڭ ەڭ كوپ سانى مىندەتتى زەينەتاقى جارنالارى (مزج) بويىنشا اشىلعان، ولاردىڭ سانى – 10 909 456 بىرلىك. ودان ءارى مكزج ەسەبىنەن قالىپتاسقان شوتتار - 534 067 بىرلىك. بجزق-داعى ەزج ەسەبىنەن قالىپتاسقان شوتتار سانى قازىر 54 013 بىرلىك بولدى.

جىل باسىنان بەرى بجزق سالىمشىلارىنا شامامەن 2،1 تريلليون تەڭگە تولەندى، تولەمدەردىڭ باسىم بولىگىن بىرجولعى زەينەتاقى تولەمدەرى (بزت) قۇرادى، ونىڭ كولەمى – 1،9 تريلليون تەڭگە.

تولەمدەر سوماسى بويىنشا ەكىنشى ورىندا جاسى بويىنشا تولەمدەر – 71،6 ملرد تەڭگە. ودان ءارى ساقتاندىرۋ ۇيىمدارىنا اۋدارىمدار، ول شامامەن 47،6 ملرد تەڭگە، مۇراگەرلىك بويىنشا تولەمدەر – 43،3 ملرد تەڭگە، قر شەگىنەن تىس تتج كەتۋگە بايلانىستى تولەمدەر – 29،1 ملرد تەڭگە، جەرلەۋگە – 4،0 ملرد تەڭگە جانە مۇگەدەكتىك بويىنشا تولەمدەر 1،6 ميلليارد تەڭگە.

كەستە بويىنشا اي سايىنعى ورتاشا تولەم سوماسى (زەينەت جاسىنا تولۋىنا بايلانىستى) 28 525 تەڭگە، ال اي سايىنعى تولەمنىڭ ەڭ جوعارى سوماسى 673 643 تەڭگە بولعان.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

دوللار قىمباتتاپ بارادى

قارجى • بۇگىن، 11:20

ۇقساس جاڭالىقتار