قوعام • 25 قازان، 2021

«ەڭبەك» باعدارلاماسى قانشا ادامدى ەڭبەكپەن قامتىدى؟

52 رەت كورسەتىلدى

2021 جىلدىڭ 9 ايىندا «ەڭبەك» مەملەكەتتىك باعدارلاماسىنا 528 مىڭنان استام ادام قاتىستى، دەپ حابارلايدى Egemen.kz.

1 قازانداعى جاعداي بويىنشا 528 مىڭنان استام ادام ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسىنا قاتىستى.

377،3 مىڭ ادام جۇمىسقا ورنالاستى، ونىڭ 252،9 مىڭى تۇراقتى جۇمىسقا تۇردى.

باعدارلامانىڭ ءبىرىنشى باعىتى اياسىندا قىسقا مەرزىمدى كۋرستارعا 16،4 مىڭ ادام، تجكب بويىنشا وقۋعا 14،4 مىڭ ادام جىبەرىلدى.

6،5 مىڭنان استام ادام ءوز ءىسىن اشۋ ءۇشىن جەڭىلدىكتى ميكروكرەديت، ال 22،2 مىڭى قايتارىمسىز مەملەكەتتىك گرانت الدى.

سۋبسيديالاناتىن جۇمىس ورىندارىنا 165،4 مىڭ ادام جۇمىسقا ورنالاستىرىلدى، ونىڭ ىشىندە: الەۋمەتتىك جۇمىس ورىندارىنا 17،4 مىڭ ادام;

جاستار پراكتيكاسىنا – 24،3 مىڭ ادام; قوعامدىق جۇمىستارعا – 123،7 مىڭ ادام. ەڭبەك رەسۋرستارىنىڭ ۇتقىرلىعى شەڭبەرىندە 1 632 وتباسى نەمەسە 5 532 ادام قونىس اۋداردى، ونىڭ ىشىندە 2 351 ادام - ەڭبەككە قابىلەتتى جاستا.

ونىڭ ىشىندە 1 679 ادام جاڭا تۇرعىلىقتى جەرىندە تۇراقتى جۇمىسقا ورنالاستىرىلدى جانە 119 ادام كاسىپكەرلىك قىزمەتپەن اينالىسادى، 9 ادام وقۋعا جىبەرىلدى.

ەستەرىڭىزگە سالا كەتەيىك، 2020 جىلى «ەڭبەك» مەملەكەتتىك باعدارلاماسىنا 649 مىڭ ادام قاتىستى. 437،3 مىڭ ادام جۇمىسقا ورنالاستىرىلدى، ونىڭ 319،2 مىڭى تۇراقتى جۇمىسقا تۇردى. جاپپاي كاسىپكەرلىكتى دامىتۋعا 12،7 مىڭ ميكروكرەديت جانە جاڭا بيزنەس-يدەيالاردى ىسكە اسىرۋعا 44،9 مىڭ قايتارىمسىز مەملەكەتتىك گرانت بەرىلدى. قىسقا مەرزىمدى وقىتۋ كۋرستارىنا 18،7 مىڭ ادام جىبەرىلدى، ال تجكب ۇيىمدارىندا وقىتۋمەن 18،4 مىڭ ادام قامتىلدى.

بۇدان باسقا، ەڭبەك رەسۋرستارىنىڭ ۇتقىرلىعىن ارتتىرۋ شەڭبەرىندە جۇمىس كۇشى ارتىق وڭىرلەردەن قۇرامىندا 5،8 مىڭ ادام بار 1،8 مىڭ وتباسى قونىس اۋداردى.

سوڭعى جاڭالىقتار

جەكپە-جەكسىز وتكەن العاشقى جىل

كاسىپقوي بوكس • بۇگىن، 09:08

«دينامودان» جەڭىلدى

حوككەي • بۇگىن، 07:34

كرەاتيۆتى كىتاپ دۇكەنى

ايماقتار • بۇگىن، 07:33

جانبوتا جاراپ تۇر

سپورت • بۇگىن، 07:27

اقىن تۇتىنعان كەسە

تاريح • بۇگىن، 07:24

ۇلى جامبىل مۇراسى ۇلىقتالدى

رۋحانيات • بۇگىن، 00:33

ۇقساس جاڭالىقتار