الماتى وبلىستىق پوليتسيا دەپارتامەنتى وكىلىنىڭ حابارلاۋىنشا, جول-كولىك وقيعاسى 24 قازان كۇنى ساعات 22:18 شاماسىندا تالدىقورعان قالاسىندا ورىن العان.
«24 جاستاعى «Toyota Camry» ماركالى اۆتوكولىك جۇرگىزۋشىسى د. قوناەۆ كوشەسىنىڭ بويىمەن شىعىس باعىتتا ءجۇرىپ, ءرۋلدى باسقارا الماي, ەلەكتر باعاناسىنا سوعىلعانى انىقتالىپ وتىر. سالدارىنان «Toyota» اۆتوكولىگىنىڭ جۇرگىزۋشىسى جەدەل جاردەم كولىگىندە مەرت بولدى. جول اپاتىنان 22 جاستاعى جولاۋشى زارداپ شەكتى, ول دەنە جاراقاتىمەن اۋرۋحاناعا جەتكىزىلگەن», دەيدى الماتى وبلىستىق پوليتسيا دەپارتامەنتىنىڭ وكىلى.
