تەننيس • 25 قازان، 2021

تەننيس: زارينا دياس اقش-تاعى ءتۋرنيردىڭ فينالىندا ەسە جىبەردى

62 رەت كورسەتىلدى

قازاقستاندىق، الەمنىڭ 104-راكەتكاسى زارينا دياس دجوردجيا (اقش) ITF W80 ءتۋرنيرىنىڭ فينالىندا ۇتىلىپ قالدى، دەپ حابارلايدى Egemen.kz.

قازاقستاندىق تەننيسشى فينالدا الەمنىڭ 78-ءىنشى، وسى جارىستىڭ 1-راكەتكاسى مەديسون برەنگلمەن باس جۇلدەنى ساراپقا سالدى. قارسىلاستار وسىعان دەيىن ءۇش رەت كەزدەسىپ، سونىڭ ەكەۋىندە زارينا جەڭىسكە جەتكەن ەكەن.

بۇل جولى ءبىرىنشى پارتيادا م.برەنگل 6:4 ەسەبىمەن باسىمدىلىق كورسەتتى. ەكىنشى سەتتە ز.دياس ءدال سونداي ەسەپپەن قارىمتا قايىردى. ءۇشىنشى، شەشۋشى پارتيادا ەسەپ 2:2 بولعان مەزەتتە برەنگل برەيك جاساپ، العا كەتكەنىمەن، زارينا سول بويدا تارازى باسىن تەڭەستىردى – 3:3.

بۇدان كەيىن دە قارسىلاستار برەيك الماستى. اقىرى امەريكالىق تەننيسشىنىڭ جولى بولدى – 6:4.

تارتىستى باسەكە 2 ساعات 38 مينۋتقا سوزىلدى.

 

 

سوڭعى جاڭالىقتار

ۇقساس جاڭالىقتار