ايماقتار • 24 قازان، 2021

الماتى وبلىسىندادا كولىكتەن وق اتقان بۇزاقى ۇستالدى

82 رەت كورسەتىلدى

قاسكەلەڭدە توي كورتەجىندە جۇرگەن كولىكتىڭ سالونىنان اۋەگە وق اتقان بۇزاقى انىقتالدى. پوليتسيا ەر ادامنىڭ ۇستىنەن قىلمىستىق ءىس قوزعادى، دەپ حابارلايدى Egemen.kz.

الماتى وبلىستىق پوليتسيا دەپارتامەنتى حابارلاعانداي، قارايساي اۋداندىق پوليتسيا باسقارماسىنىڭ قىزمەتكەرلەرى الەۋمەتتىك جەلىگە مونيتورينگ جاساۋ بارىسىندا ەر ادامنىڭ كولىك ىشىنەن اۋەگە وق اتقانى بەينەلەنگەن بەينە ماتەريالدى بايقادى. جەدەل ىزدەستىرۋ ءىس-شاراسى بارىسىندا بۇل وقيعانىڭ 23 قازان كۇنى ساعات 17:30-دا قاراساي اۋدانىنا قاراستى قاسكەلەڭ قالاسىنىڭ ابىلاي حان كوشەسىندە ورىن العانى انىقتالدى.

«پوليتسيا قىزمەتكەرلەرىنىڭ ىزدەۋ ءىس-شارالارى ناتيجەسىندە اۋەگە وق اتقان ادامنىڭ اتى-ءجونى انىقتالدى. ول 25 جاستاعى قاراساي اۋدانىنىڭ تۇرعىنى بولىپ شىقتى. ونىڭ ۇستىنەن قر قىلمىستىق كودەكسىنىڭ 293-بابى 3-تارماعىمەن قىلمىستىق ءىس قوزعالدى. «Mercedes» ماركالى كولىك ايىپپۇل تۇراعىنا قويىلىپ، قر اكىمشىلىك قۇقىق بۇزۋشىلىق تۋرالى كودەكستىڭ 590-بابى 2 تارماعىمەن اكىمشىلىك حاتتاما تولتىرىلدى. قازاقستاننىڭ قولدانىستاعى زاڭناماسىنىڭ نورمالارىنا سايكەس جاۋاپقا تارتۋ ءۇشىن كورتەجدىڭ باسقا دا قاتىسۋشىلارىن انىقتاۋ ءىس-شارالارى جۇرگىزىلىپ جاتىر»، دەپ ءتۇسىندىردى ۆەدومستۆودان.

سوڭعى جاڭالىقتار

ەسىمنەن كەتپەس ەكى ەتيۋد

رۋحانيات • كەشە

بەسىنشى ەلەمەنت

ونەر • كەشە

ۇقساس جاڭالىقتار