مەملەكەت باسشىسىنىڭ وكىلەتتىگى ناقتى رەگلامەنتتەلۋى ءتيىس

دەپۋتاتتار قازاقستان رەسپۋبليكاسى تۇڭعىش پرەزيدەنتىنىڭ – ەلباسىنىڭ مارتەبەسىن كونستيتۋتسيالىق زاڭ دەڭگەيىندە بەكىتۋ قاجەت دەپ ەسەپتەيدى كەشە پارلامەنت ءماجىلىسىنىڭ دەپۋتاتتارى امزەبەك جولشىبەكوۆ, روزاقۇل حالمۇرادوۆ جانە سۆەتلانا فەرحو جۋرناليستەرگە ارناپ باس­پا­سوز ءماسليحاتىن وتكىزىپ, سۇحبات بەردى. دەپۋتاتتار باستاماشى بولعان “قازاقستان رەسپۋبليكاسىنىڭ كەي­بىر كونستيتۋتسيالىق زاڭدارىنا قازاقستان رەسپۋبليكاسى تۇڭعىش پرەزيدەنتىنىڭ – ەلباسىنىڭ قىز­مەتىن قامتاماسىز ەتۋ سالاسىنداعى زاڭنامانى جەتىلدىرۋ ماسەلەلەرى بوي­ىنشا وزگەرىستەر مەن تولىق­تى­رۋلار ەنگىزۋ تۋرالى” قازاقستان رەسپۋبليكاسىنىڭ كونستيتۋتسيالىق زاڭىنىڭ جوباسى جانە “قازاقستان رەسپۋبليكاسىنىڭ كەيبىر زاڭنا­ما­لىق اكتىلەرىنە قازاقستان رەس­پۋب­ليكاسى تۇڭعىش پرە­زيدەنتى­نىڭ – ەلباسىنىڭ قىزمەتىن قام­تاماسىز ەتۋ سالاسىنداعى زاڭناما­نى جەتىل­دىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى” قازاقستان رەسپۋبليكاسى زاڭىنىڭ جوباسى تۋرالى تۇسىنىك بەردى. دەپۋتاتتار قازاقستان رەسپۋب­لي­كاسىنىڭ تۇراقتى دامۋىن قام­تا­ما­سىز ەتۋ ماقساتىندا قازاقستان رەسپۋبليكاسى تۇڭعىش پرەزي­دەنتىنىڭ – ەلباسىنىڭ مارتەبەسىن كونستيتۋتسيالىق زاڭ دەڭگەيىندە بەكىتۋ قاجەت دەپ ەسەپتەيدى. وسىعان وراي اتالعان زاڭدارعا تۇزەتۋلەر ەنگىزۋ ءجون سانالعان. پارلامەنتشىلەردىڭ ايتۋىنشا, قازاقستان رەسپۋبليكاسى تۇڭعىش پرەزيدەنتىنىڭ – ەلباسىنىڭ ايرىقشا تاريحي ميسسياسىنا بايلانىستى ونىڭ كونستيتۋتسيالىق وكىلەتتىگىن ناقتى رەگلامەنتتەۋ قاجەت, سونداي-اق ونىڭ قىزمەتىن قامتاماسىز ەتۋدىڭ كەپىلدىگىن قاراستىرۋ كەرەك.